Sansar News
२० फागुन, इस्तानबुल, टर्की । टर्कीको इस्तानबुल शहरको मध्य क्षेत्रमा रहेको एक आवासीय भवनमा आगलागी हुँदा कम्तीमा चार जनाको मृत्यु भएको स्थानीय सञ्चारमाध्यमले जनाएका छन् ।
इस्तानबुलको युरोप क्षेत्रमा रहेको पाँचतले भवनमा आइतबार बिहानै आगलागी भएको टर्कीको हुर्रियत दैनिकले जनाएको छ ।
आगलागी नियन्त्रण गर्न तत्काल पुगेको उद्धारकर्मीको समूहले घटनास्थलबाट दुई जना मृत अवस्थामा र तीन जनालाई आगोले जलेर सख्त घाइते बनेको अवस्थामा उद्धार गरेको थियो । घाइतेमध्ये दुई जनाको उपचारको क्रममा निधन भएको र एक जनाको उपचार भइरहेको उक्त दैनिकले अधिकारीलाई उद्धृत गरी लेखेको छ ।
इस्तानबुलमा गत महिना एउटा आठतले भवन भत्किँदा कम्तीमा २१ जनाको मृत्यु भएको थियो ।
वि.सं.२०७५ फागुन २० सोमवार १०:०२ मा प्रकाशित
