हामी सबैकाे संसारन्यूज

१३ जेठ । मलेसियामा हुने एसीसी यू– १९ इस्टर्न रिजन क्रिकेटको खेल तालिका सार्वजनिक भएको छ । एसियन क्रिकेट काउन्सिलले सार्वजनिक गरेको तालिका अनुसार नेपालले पहिलो खेलमा नेपालले म्यानमारसँग खेल्ने भएको छ ।

कुल ८ टिम सहभागिता रहने प्रतियोगितामा दुई समुहमा बिभाजन गरी खेल तालिका तयार गरीएको छ । समूह ‘ए’ मा रहेको नेपालले जुलाई २ मा म्यानमारसँग खेल्नेछ । यस्तै जुलाई ५ मा सिंगापुर र अन्तिम खेलमा जुलाई ६ मा चीनसँग खेल्नेछ ।

अर्को समूहमा आयोजक मलेसिया, भुटान, हङकङ र थाईल्याण्ड रहेका छन् । दुबै समूहका शिर्ष २ टिमले सेमिफाइनलमा स्थान बनाउनेछन।
समूह ‘बि’ मा आयोजक मलेसिया सहित भुटान, हङकङ र थाईल्याण्ड रहेको छ ।

समूह चरण पछि समुहका बिजेता र उपबिजेता प्रतियोगिताको सेमिफाईनल प्रबेश गर्नेछन । सेमिफ़ाईल जुलाई ८ तारिखमा हुनेछ भने प्रतियोगिताको फाईनल ९ तारिखमा हुनेछ ।

डिफ़ेण्डिङ्ग च्याम्पियन समेत रहेको नेपाल तुलनात्मक रुपमा अन्य टिम भन्दा राम्रो रहेको हुँदा प्रतियोगिताको उपाधि नेपालले नै उचाल्ने विश्वास गर्न सकिन्छ ।