Sansar News
जुन स्वप्न मैले देखेको थिएँ, कसले मेटेछ ?
तिमीलाई मैले रोजेको थिएँ, कसले लुटेछ ?
मनमुटु कैले चुडेको रैछ, आत्माले जानेन
मनलाई मैले सोधेको थिएँ, कसले लुटेछ ?
ओहो मेरी प्यारी ! कहाँ पो गयौं ?,मलाई छोडेर
आफ्नै प्यारी मैले सोचेको थिएँ,कसले लुटेछ ?
दुईवटा मुटु यौटै ठानेर बसें कसरी भुलूँ म
सबैतिर मैले खोजेको थिएँ, कसले लुटेछ ?
सकिँदैन बाँच्न तिम्लाई भुली, जगतै अँध्यारो
मनमुटु मैले खिचेको थिएँ, कसले लुटेछ ?
लाशमा छौ कि खासमा छौ तिमी,पठाउ खवर
माफ गरेँ मैले भनेको थिएँ, कसले लुटेछ ?
बनेपा न.पा–४,नाला, काभ्रे
वि.सं.२०७६ असोज १८ शनिवार १०:१२ मा प्रकाशित
