हामी सबैकाे संसारन्यूज

१.
अकुत सम्पत्ति घिच्छन् उनै जनताका गीत गाउँछ्न्
रेमिटान्स भित्राउने युवा रातो बाकसमा आउँछन्
कसरी सुध्रिनु यो दुराअबस्था समृद्धि कहिले आउँनु
संबेदनसिल हुनुको सट्टा एकले अर्कोलाई दोष लाउछ्न् ।
२.
तिरेकै छन् गरीबले कर रोगी नेता जचाँउनलाई
सिध्याए राष्ट्रियता लागे स्वाभिमान पचाउनलाई
राष्ट्रवादका भाषण छाट्ने नीर्लज्जहरु लुक्दैछ्न,
जागौ नेपाली जनहो देशको अस्तित्व बचाउनलाई ।
३.
लिसिङ्ग पिसिङ्ग हैन नगदलाई फ्याट्टै गनेको मनपर्छ
नगुम्साइ मनको पीरब्यथा अझ प्याट्टै भनेको मनपर्छ
अरुलाइ कस्तो कस्तो मनपर्छ खै कुन्नि आफूलाई त,
दिल भित्रकि दिलमाया त चिरी–च्याट्टै बनेको मनपर्छ ।
४.
के गर्नु सम्हाल्न सकिन्न अंगाल्न सकिन्न
कति र्साहो हो त्यो दिल पगाल्न सकिन्न
छरपस्ट छरियो आकाक्षां फुटेर भुइँ भरी,
टिपेर पो हुन्छ कि भनेको संगाल्न सकिन्न ।
५.
कहिले होलिवाइनमा रमायौ त कहिले रमायौ केकमा
निर्लज्ज सरकार लाग्दैछ अपराधी जोगाउ थुनछेकमा
कर्णाली,कोसी,गण्डकी हुँदै लिपुलेक पनि आयो खान,
यतिबेला अस्तित्व संकटमा देश दुखेको छ लिपुलेकमा ।