हामी सबैकाे संसारन्यूज

खुल्दै धौलाद्रि हाँस्यो,क्रमसँग चचुरा छेउका रम्न थाले
माछापुच्छ्रे उचाल्दै पुछर गगनमा झल्कियो झन् मजाले
ओढेका मेघका ती अति नरम धुसा खुल्नुले वारपार
घुम्टो खोल्दा खुलेका नवयुवतिसरी लाग्दछन् वारपार ।१।

हट्नाले मोहडाको नरम फुसफुसे मेघ,सङ्लो छ काया
लाली रङ्गीन दल्छन् रविकिरण चढी,तेर्सियो दूर छाया
यी अग्ला ह्युँचुलीका तनसँग तन भै रम्छ नेपाल दायाँ
नेपाली जाति एकै तनमन हुनुले बढ्छ सद्भाव,मायाँ ।२।

यो शोभामाथि शोभा अधिक दिन पँहेल्पूर भै धान पाक्यो
यो धर्ती चीवरी भै तनमन सतमा लिप्त भो लाग्न थाल्यो
ऐले सारा तराई सुनमय तनमा ठाँटिएको हुनाले
हाम्रो नेपालमा नै सुरपुर गरिमा देख्छ खोलाघरेले ! ३ ।८८

( छन्द -स्रग्धरा )