हामी सबैकाे संसारन्यूज

१० मंसिर, कोरिया । कोरियामा कार्यरत एक नेपाली युवाको मृत्यु भएको छ ।

रोजगार अनुमति प्रणाली (ईपियस ) अन्तर्गत कोरिया पुगेका भोजपुरका अमिन राईले नोभेम्बर २३ का दिन फेसबुकमा लाइभ प्रशारण गर्दै आफ्नो जन्म दिन मनाएका थिए । तर, त्यसको दुई दिनमै अर्थात् नोभेम्बर २५ को राति उपचारकै क्रममा अस्पतालमा उनको मृत्यु भएको समाचार छ ।

आफूलाई ज्वरो आएको स्टाटस फेसबुकमा अपडेट गरेका राईको के कारणले मृत्यु भएको खुलाइएको छैन । अस्पतालका डाक्टरले अज्ञात भाइरसका कारण उनको मृत्यु भएको हुन सक्ने अनुमान लगाएको र ल्याव टेष्ट भइरहेको जनाइएको छ ।

६ वर्ष अगाडि कोरिया पुगेका राई भिसा सकिएपछि पनि त्यहि काम गरिरहेका थिए । राईको शब नेपाल पठाउनका लागि नेपाली दूतावास कोरिया, किराँत राई अर्गनाइजेशन लगायतका कोरियामा रहेका नेपाली संघ संस्थाहरुले पहल गरिरहेको पनि एनआरएनए कोरियाकी पूर्वअध्यक्ष तथा आइसीसी सदस्य लक्ष्मी गुरुङले संसारन्युजलाई जानकारी दिएकी छन् ।