हामी सबैकाे संसारन्यूज

७ पुस, बाँके । नेपालगञ्ज उपमहानगरपालिका २१ पुरैनास्थित महाराजा माध्यामिक विद्यालय परिसर र इस्लाम धर्मावलम्बीको दाहसंस्कार गर्ने शमशानघाट (कब्रस्तान) को पर्खाल जोडिएको छ ।

विद्यालय जाने आउने छात्रछात्रा यही कबस्तान छिचोलेर विद्यालय जानुपर्छ । शमशानघाटलाई चारैतिरबाट पर्खालले घेरिएको छ , तर पर्खाल होचो भएकाले कक्षाकोठामा बसेर पढ्दा वा खेलमैदानमा खेल्दा कब्रस्तानमा गाडिएका चिहान र अन्तिम संस्कारका लागि ल्याएका शब प्रस्टसँग देखिन्छ ।

विद्यालय नजिककै कब्रस्तान हुँदा त्यहाँ हुने गतिविधिले विद्यार्थीमा मनोवैज्ञानिक असर परेको छ । विद्यालय चलिरहेका वेलासमेत अन्तिम संस्कारका लागि शव ल्याउने र शमशानघाटका चिहान प्रस्ट देखिने भएकाले विद्यार्थीमा त्रास उत्पन्न हुने गरेको छ । तर, यो प्रक्रिया वर्षाैंदेखि चल्दै आएको छ । सोमबारको नयाँ पत्रिका दैनिकबाट