हामी सबैकाे संसारन्यूज

७ पुष, लन्डन । लन्डनमा पछिल्लो समय छुरा प्रहारका घटनामा वृद्धि भएको छ । गत शनिबार न्युहाममा छुरा प्रहारबाट २९ वर्षीय युवाको मृत्यु भएको थियो । उनी ७ दिनयता भएको छुरा प्रहारको घटनामा मारिने ७ औं व्यक्ति हुन् ।

युवावीच भएको झगडाका क्रममा उनी सिल्भर टाउनमा मारिएका थिए । प्रहरीले एकजनालाई गिरफ्तार गरी अनुसन्धान अगाडि बढाइरहेको छ ।

द इन्डिपेन्डेडका अनुसार सन् २१९ मा लन्डनमा यो १४६ औं हत्या हो । अधिकारीका अनुसार लन्डनमा सन् २०१८ पछि यस वर्ष छुरा प्रहारको घटनामा सबैभन्दा बढी मारिएका हुन् । गत वर्ष १३६ जनाको ज्यान गएको समाचार सोमबारको कान्तिपुर दैनिकमा लन्डनबाट नवीन पोखरेलले लेखेका छन् ।

होम अफिसको तथ्यांक अनुसार सन् २०१८ र ०१९ को अवधिमा १५ हजार ४ सयवटा आपराधिक आक्रमण भएका छन् । छुरा अपराध राजधानीका अन्यत्र शहर भन्दा पश्चिम लन्डनमा बढी भइरहेको पाइएको छ ।