हामी सबैकाे संसारन्यूज

पुस ९ उदयपुर । पाँचदिनदेखि अज्ञात समूहले ‘ह्याक’ गरेको स्थानीय तहहरुको कम्प्युटर सफ्टवेयर मंगलबारसम्म पनि पूर्ण रुपमा सञ्चालन हुन सकेको छैन ।

महालेखा नियन्त्रण कार्यालयले विकसित(डेभलप) गरेर चालू आर्थिक वर्षको सुरुदेखि देशभरका सात सय ५३ वटै स्थानीय तहमा अनिवार्य सञ्चालनमा ल्याइएको ‘स्थानीय संचित कोष व्यवस्थापन प्रणाली(सुत्र)’ गत शुक्रबार ह्याक भएको थियो ।

सुत्र ह्याक भएपछि देशभरका गाउँ तथा नगरपालिकाको वित्तीय कामकाज ठप्प भएसँगै क्रमागत र नयाँ योजनाहरु प्रभावित भएको जनप्रतिनिधिहरुले बताएका छन् । मंगलबारदेखि सामान्य चले पनि मसिंर १२ देखि पुस ४ गतेसम्मको सबै विवरण पुनः प्रविष्ट ‘इन्ट्री’ गर्नुपर्ने अवस्था सिर्जना भएको त्रियुगा नगरपालिकाका प्रमुख प्रशासकीय अधिकृत लक्ष्मणविक्रम थापाले बताए । बुधबारको नागरिक दैनिकबाट