Sansar News
१७ पुष, नैरोबि, केन्या । अफ्रिकी देश केन्यामा कार्यरत नेपालीहरुले भिजिट नेपाल २०२० को प्रचार–प्रसारसँगै नेपाली टोपी दिवस मनाएका छन् ।
जहाँ रहेपनि जस्तो भोगेपनि राष्ट्र निर्माणको महान अभियानमा जुटौं भन्ने भनाईलाई आत्मासाथ एनआरएनए केन्याले गर्दै परदेशमा रहेर पनि आफ्नो सस्कृतिको जगेर्ना अनि भिजिट नेपाल 2020 को प्रचार -प्रसार गर्ने उद्देश्यका साथ जनवरी १ अर्थात टोपिदिवस केन्यामा पनि मनाइएको हो ।
संघले केन्याको नैरोबिस्थित एसएसडि मंदिर परिसरमा भेला भई भिजिट नेपाल २०२० को प्रचार–प्रसार पनि गर्ने उद्देश्यका साथ visit Nepal 2020 लेखिएको टिसर्ट र ढाका टोपी लगाई नैरोबि सहर परिक्रमा गर्दै ५३ किलोमिटर टाढा थिकामा रहेको Fourteen falls भन्ने ठाउँसम्म पुगेर विविध कार्यक्रम गर्दै पुन : मंदिर परिसरमै आई समापन गरेको जानकारी एनआरएनए (एनसिसि) केन्याका महासचिव टिका धितालले संसारन्युजलाई जानकारी दिएका छन् ।
वि.सं.२०७६ पुस १७ बिहीवार १०:५२ मा प्रकाशित
