हामी सबैकाे संसारन्यूज

(१)
बुढेशकाल मा पाल्छ भन्दै, छोरा पाउँदा मख्ख पथ्र्यौ
छोरी भन्दा त्यो छोरालाई,कति धेरै प्यारो गथ्र्यौ
अहिले छोराले भोकै पार्दा, छोरीले पो पालेकी छे
छोरीको गर्भ तुहायएको भय,आज खान नपाई मथ्र्याै

(२)
गरिबी बाट मुक्ती पाउन, कैयौं समुन्द्र कटाईन्छ छोरो
आगोको भुँग्रो जस्तै गर्मीमा,काममा उता खटाइन्छ छोरो
पैसा लिएर जहाजमा उड्दै, छोरो आउँछ भन्दा भन्दै
लाश बुझ्न जानुपर्छ उताबाट, बाकस मा पठाइन्छ छोरो
(३)
पिठ्यूँ माथी मलाई बोकी, पछ्यौरीले बाँन्थ्यौ आमा
मेलापात अनि घास दाउरा, आफुसँगै लान्थ्यौ आमा
तिम्रो मायाँ सम्झि ल्याउँदा,यस्तो लाग्छ अहिले मलाई
आफ्नो मुटू भन्दा पनि, मलाई प्यारो ठान्थ्यौ आमा

(४)
आमा सँग छुट्टिई बसें, मैले बिहे गरेपछि
श्रीमति र आमाको बिचमा, सधै झगडा परेपछि
श्रीमतीलाई काखि च्यापी, पर परै पार्थें आमा
पश्च्याताप पो लाग्न थाल्यो,अहिले आमा मरेपछि

(५)
तिम्ले मलाई मुटु भन्दा, प्यारो ठान्छु भनेपछि
हिम्मत गरि तिमीसँग, साँच्चै जान्छु भनेपछि
मङ्सिर होस या पौष, पन्चेबाजा बजाई दिन्छु
तिम्ले मलाई मैले पुज्ने, देबता मान्छु भनेपछि