हामी सबैकाे संसारन्यूज

कति दिने उपमा
कति दिने रुपक
जस्ती चन्द्रमा
जस्ती गुलाब
जस्ती बिभिन्न फूल
गर्दै तुलना
अनेकौ बिम्बसँग

तर भएन परिवर्तन
संकिर्ण सोचले
त्यो मानसिकताको
जाँचेर गर्भ
छोरा भए राखिन्छ
छोरी भए फ्याँकिन्छ
फोहोर फाल्ने टोकरीमा
अनि ती नै मान्छेलाई
चाहिन्छ बुहारी
भएको सुन्दरता
भएको योग्यता
भएको ईमान्दारीता
कस्तो होला बिडम्वना
म सोचिरहन्छु
मन पारेर गाँठो
बसेर एक्लै
रहेर संसारिक
धरातलमा !

लाग्छ,
मलाई दया नारीको
आराम र आनन्द भन्दा
काम धन्दा धेरै
बकम्फुसे गफ लाएर भट्टीपसलमा
अर्थ्विहिन राजनीतिको
पर्दै टिल्ल
बिना कारण
खोज्दै निहुँ
आफ्नै श्रीमतीसँग
निकाल्दै दोषका तरंग
कहिले कुटाई
कहिले आरोप माईतीको
शिक्षित नारीलाई छ डर इज्जतको
कति बस्ने खपेर बरै !
पर्दोरहेछ बस्न
माईती मावलीको इज्जतको लागि
कति भ्रममा छ संसार
पर्दोरहेछ भोग्नु
सायद यही होला
खेल नियतीको

गरे संसार परिवर्तन ती नै नारीले
के थाहा मुर्खका जमातलाई
को हो मारिया क्युरी ?
को हो रोजा पार्क्स ?
को हो ईम्मेलिन प्यांकहर्स्ट ?
को हो आदा लवलेस ?
को हो रोसालिन फ्रयांकलिन ?
को हो मार्गरेट थ्याचर ?
को हो क्लियोपेट्रा ?
को हो आङ्साङ्सुकी ?
को हो एंजेला बर्डेट ?
को हो फ्लोरेन्स नाइटिङ्गेल ?
को हो जेन अस्टिन ?
को हो एन्जेला मार्कल ?
को हो हिलारी क्लिन्टन ?
को हो मे थेरेसा ?
को हो रानिया अब्दुल्ला ?
को हो मदर टेरेसा ?
को हो बिश्वकै कम उमेरकी
प्रधानमन्त्री साना मरिन ?

मलाई त लाग्छ महान नारी
चाहे होस एसियन
-अरबी
-फारसी
-यूरोपियन
-अफ्रिकन
-अमेरिकन
-क्रिश्चियन
-मुसलमान
-हिन्दु
-बुद्धिष्ट
भएका कोमल हृदय
सहयोगी नारी
छैनन,शब्द सम्मानको
उदारबादी नारीको ।