हामी सबैकाे संसारन्यूज

१.
भएको छ जिन्दगी, रित्तो बगर के गर्नु,
जति कष्ट गरेपनी, पुगेन रहर के गर्नु ।
कतै खुशी भेटिन्छ, भन्ने अभिलाषाले,
हिडेको छु म, काँडाको सफर के गर्नु ।

२.
सच्चा मनले,मन्दिरसम्म पुज्न आउनु होला,
आफ्नो सामथ्र्य जाचेर, जुध्न आउनु होला ।
कहिकतै मेरो पनि शान छ, आवारा नठान्नु,
गाउँघरतिर मेरो बारेमा, बुझ्न आउनु होला ।

३.
मनमा देश बनाउने चेष्टा, कहिले राख्ने हामीले,
सुन सरकार बिदेशकै मुख, कति ताक्ने हामीले ।
देश चलाउने बाचा गरी, हजुर कुर्चिमा बस्नुभयो,
अब भन्नु शान्ती सुरक्षा, कहाँ गएर माग्ने हामीले ।

४.
चुनाव आउँदा कुर्लीएर,अनेक भ्रम छर्छन नेता,
थाहै हुन्न जिते भने,कता गएर के गर्छन नेता ।
देख्यौ बिगतदेखी,बर्तमान सम्मको उदाहरण,
देश खोक्रो बनाएर,आफ्नै खल्ति भर्छन नेता ।

५.
नयन बनिसकेछ, आसुको छहरा, पत्तै पाईन,
कतिखेर ढल्यो, मेरो घर कठैबरा, पत्तै पाईन ।
पिठाउली ढुंगा खेली, बित्यो हाम्रो बाल्यकाल,
खै हामिले, कसरी सिक्यौ, कखरा पत्तै पाईन ।