हामी सबैकाे संसारन्यूज

४ फागुन, साउदी । नेपाली दूतावास रियादको आयोजनामा साउदीमा वर्तमान अवस्थामा वैदेशीक रोजगारमा व्याप्त श्रमिक समस्यालाई न्युनिकरण गर्ने विषयमा अन्तरक्रिया कार्यक्रम सम्पन्न भएको छ ।

साउदी अरबको पूर्विशहर दम्मामस्थित रोज रेष्टुरेण्टमा १४ फेब्रअरीमा एक औपचारिक कार्यक्रम आयोजना गरिएको हो ।

नेपाली दूताबास रियादका पूर्वी प्रान्त दम्मामका लागी स्थानिय कर्मचारी हरी घिमीरेको संचालन रहेको उक्त कार्यक्रममा नेपाली राजदूतास रियादका तर्फबाट नियोग उपप्रमुख दिलिप पौड्यालको उपस्थिती रहेको थियो भने नेपालबाट साउदी भ्रमणमा रहेका नेपाल सरकारका पदाधिकारीहरू रहेका थिए ।

उक्त कार्यदलमा परराष्ट्र मन्त्रालयका सहसचिव तथा मध्य एसिया, पश्चिम एसिया साथै अफ्रिका महासाखा प्रवन्ध निर्देशक हरिष चन्द्र घिमीरे, वैदेशिक रोजगार विभागका महानिर्देशक डा. भिष्म कुमार भुसाल, परराष्ट्र मन्त्रालयका शाखा अधिकृत कुल बहादुर राना मगर, वैदेशिक रोजगार विभागका शाखा अधिकृत जमुना काफ्ले र नेपाली राजदुताबास मलेशियाका भूतपूर्व राजदूत डा. ऋषिराज अधिकारीको उपस्थिति रहेको थियो ।

उक्त कार्यक्रम तथा कार्यदलको मुख्य उद्धेश्य वैदेशिक रोजगारलाई अझै सुरक्षित र मर्यादित बनाउनको लागी नीति नियमको तर्जुमा गर्न सम्बन्धित राष्ट्रमा रहेको नेपाली राजदूताबास र उक्त राष्ट्रमा कार्यरत कामदारहरूबाट सल्लाह सुझाबहरू संकलन गर्दै प्रतिवेदन तयार गरी सम्बन्धित विभाग र मन्त्रालयलाई बुझाउने रहेको परराष्ट्र मन्त्रालयका सहसचिव हरिष चन्द्र घिमीरेले मन्तव्यको क्रममा बताए । घिमीरेले उक्त प्रतिवेदनको आधारमा वैदेशिक रोजगार सम्बन्धी नेपाल सरकारले कार्यनीति तथा कार्यदिशा तय गरिने पनि बताए ।

कार्यक्रममा एनआरएनए आईसिसी मध्यपूर्व सहसंयोजक राजेन्द्र अर्याल, सदस्य याशमिन वैगम, नारायण पासवान, एनआरएनए एनसिसी साउदीका अध्यक्ष तेज बहादुर थापा लगायतका पदाधिकारीहरू, संघिय लोकतान्त्रिक राष्ट्रिय मंचका केन्द्रीय सदस्य श्रीयावा लिम्बु लगायत साउदी अरबमा रहेका विभिन्न सामाजिक संघ संस्था तथा राजनीतिक दलका भातृ संगठनहरूका प्रतिनिधिहरूको उपस्थिती रहेको थियो । उक्त अवसरमा संघ संस्थाद्धारा उक्त कार्यदललाई आ-आफ्नो संस्थागत सल्लाह सुझाव सहितको ज्ञापनपत्र तथा ध्यानाकर्षण पत्र बुझाईएको थियो ।

अन्तरक्रिया कार्यक्रममा उठेका प्रश्नहरूलाई सम्बोधन गर्ने क्रममा दुताबासको तर्फबाट उपनियोग प्रमुख दिलिप कुमार पौड्याल, वैदेशिक रोजगार विभागको तर्फबाट डा. भिष्म कुमार भुसाल र परराष्ट्र, श्रम तथा सामाजिक सुरक्षा मन्त्रालयको तर्फबाट सहसचिव हरिष चन्द्र घिमीरेले जवाफ दिएका थिए ।

जवाफ दिने क्रममा साउदीमा घरेलु कामदारहरू माथि सोधिएको प्रश्नमा वैदेशिक रोजगार विभागका शाखा अधिकृत जमुना काफ्लेले नेपाल सरकारले उल्लेख गरिएको बुँदाहरूमा साउदी सरकारले सहमती नजनाए सम्म वर्तमान व्यवस्था नै कायम रहने बताएका बताएकी थिइन् ।