हामी सबैकाे संसारन्यूज

११ फागुन, काठमाडौँ । देशको शैक्षिक गुणस्तर खस्किएको आलोचना भइरहँदा शिक्षा मन्त्रालयले भने मिहिनेतविना नै विद्यार्थीले सर्टिफिकेट पाउने गरी पाठ्यत्रलमको संरचना तयार पारेको छ ।

कक्षा ११ र १२ मा सैद्धान्तिक (बाह्य) र प्रयोगात्मक (आन्तरिक) छुट्टाछुट्टै पास हुनुपर्ने व्यवस्था परिवर्तन गरी अब समग्रमा ३० ल्याउनेले सर्टिफिकेट पाउने भएका हुन् ।

नयाँ पाठ्यक्रम अनुसार ७५ अंक सैद्धान्तिक र २५ अङ्क प्रयोगात्मक मूल्याङ्कनको व्यवस्था गरेको मूल्याङ्कनमा ५ गरी ३० अङ्क ल्याउनेको समग्रमा डी प्लस ग्रेड आउँछ । अहिलेसम्म कक्षा ११ र १२ मा बाह्य र आन्तरिक परीक्षामा छुट्टाछुट्टै अङ्क राख्ने गरिएको छ । कक्षा ११ मा आगामी शैक्षिकसत्रदेखि र कक्षा १२ मा एकवर्षपछि नयाँ पाठ्यक्रम लागू हुँदै भनेर नयाँ पत्रिकामा छापिएको छ । ।