Sansar News
काठमाडौँ । बैशाख २६ बाट प्रदर्शनमा आउन लागेको चलचित्र ‘हिरो रिटन्र्स’ को ट्रेलर सार्वजनिक भएको छ ।
धुर्व तारा फिल्म्स र सोम ओम फिल्म्सको प्रस्तुति रहेको यस चलचित्रको ट्रेलरमा अभिनेत्री रेखा थापा र सविन श्रेष्ठको एक्सन देख्न सकिन्छ । चलचित्रमा रेखा र सविन को साथमा दिल श्रेष्ठको पनि मुख्य भूमिका रहेको छ ।
शिवम् अधिकारीको कथा रहेको यस चलचित्रलाई आशिष भेटवालले निर्देशन गरेका छन् भने भिम न्यौपाने तथा धूर्व न्यौपानेले लगानी गरेका हुन् । यसैगरी चलचित्रको गीतमा टंक बुढाथोकीको संगीत निर्देशन र कविराज गहतराजले कोरियोग्राफी रहेको छ । उक्त चलचित्रलाई मदन कस्यप घिमिरेले छायांकन गरेका हुन् ।
वि.सं.२०७६ फागुन २१ बुधवार १५:११ मा प्रकाशित
