हामी सबैकाे संसारन्यूज

४ चैत, इटाली । नेपाली समाज रोमका अध्यक्ष हरिभक्त काराखेतीले इटालीमा कोरोनाको महामारी र त्यसले ल्याएको जटिलता तथा कागज नभएका तथा वेरोजगारी नेपालीका लागि खाद्य सामग्रीको व्यवस्था गरिदिने बताएका छन् ।

रोमबासी नेपालीहरु कोरोना संक्रमणको त्रासका कारण बाहिर निस्किन हिड्न डुल्न समेत कठिनाइ भैरहेको बेलामा यहाँको कागजात नहुने नेपाली दाजुभाइ दिदीबहिनीहरुलाई झन धेरै अप्ठ्यारो परेको हुनसक्ने र कतिपयको कोरोनाको महामारी आउनु अगाडि देखिनै बेरोजगार रहेको बताउँदै रोमको Lazio zone मा रहेका त्यस्ता दाजुभाइहरुलाई सहयोग गर्ने बताएका छन् ।

‘विशेष गरेर कागजात नहुने र महामारी फैलिनु भन्दा पहिले देखिनै बेरोजगार बसिरहनु भएका रोम (Lazio zone)  का दाजुभाइ दिदीबहिनीहरुको लागि केही समयको लागि एउटा सानो सहयोग स्वरुप दैनिक उपभोग्य खाद्य सामाग्रीको बन्दोबस्त गरिदिन चाहान्छु ।’ कराखेतीले भनेका छन् ।

उनले त्यस्तो अवस्थामा रहेका दाजुभाइले 3291485117 नम्बरमा सम्पर्क गर्न र आफ्नो ठेगाना पनि दिन पनि अनुरोध गरेका छन् । ‘म आफै तपाईंहरुको घर अगाडि आइपुग्ने प्रयास गर्नेछु । कुनै अप्ठ्यारो नमान्नुहोस तपाईंहरुको परिचय नितान्त गोप्य रहने छ ।’ उनले भनेका छन् ।

मलाई Viber, WhatsApp , म्यासेन्जर र इमेल hbkarakheti@libero.it मा समेत सम्पर्क गर्नसक्नु हुनेछ ।