हामी सबैकाे संसारन्यूज

४ चैत, कतार । कतारबाट डिर्पोट गरिएका नेपालीका बारेमा नेपाली दूतावास कतारले आफ्नो ध्यानाकर्षण भएको जनाएको छ ।

दूतावासले कतारबाट केही नेपाली नागरिकलाई विना कारण डिर्पोट गरिएको भन्ने समाचारको सन्दर्भमा आफ्नो ध्यानाकर्षण भएको जनाउँदै यसका बारेमा कतार सरकारको सम्बन्धीत निकायसँग जानकारी दिने काम भइरहेको समेत बताएको छ ।

दूतावासद्धारा मंगलबार जारी विज्ञप्तिमा उक्त कुराको जानकारी दिँदै कतारले कोभिड १९ का बारेमा विभिन्न सूचनाहरु जारी गरेको भन्दै विभिन्न कुरामा ध्यान दिन पनि अनुरोध गरिएको छ ।

दूतावासले कतार सरकारको सम्बन्धीत निकायबाट जारी हुने सबै प्रकारका निर्देशनहरुको पालना गर्न भन्दै कतार सरकारले तोकेको निशेधित क्षेत्रहरुमा नजान वा भेला नहुन पनि अनुरोध गरेको छ ।

श्रमिकहरुको आवासीय क्षेत्रको आसपास सप्ताहन्त लगायत अन्य समयमा अवैधरुपमा पसल राखी समानहरुको किनबेच गर्ने पाइएको र सो कुरालाई कतार सरकारले बन्देज गरेको हुँदा कम्पनीको आधिकारीक व्यक्तिसँग तोकिएको संख्या (२ जना) मा आधिकारीक स्थानहरुबाट मात्र किनमेल गर्नुहुन अनुरोध’ दूतावासबाट जारी विज्ञप्तिमा भनिएको छ ।