हामी सबैकाे संसारन्यूज

२७ चैत्र, काठमाडौँ । कोरोना भाइरस(कोभिड १९) नियन्त्रणका लागि नेपाल तथा भारत सरकारले लकडाउन गरेपछि भारतमा मजदुरी गर्न गएका नेपालीहरु यतिबेला अलपत्र परेका छन् ।

लकडाउनका कारण हरियाणाको कपासेडा मा अलपत्र परेका त्यस्ता नेपाली मजदुरलाई नेपाली जनसम्पर्क समिति(नेजस) भारतले राहत वितरण गरेको छ ।

नेपाली जनसम्पर्क समिति भारतका अध्यक्ष एवं नेपाली काँग्रेसका आमन्त्रित केन्द्रीय सदस्य बालकृष्ण पाण्डे र ओम प्रकाश शर्माको पहलमा हरियाणमा अलपत्र परेका नेपाली मजदुरीहरुलाई राहत वितरण गरिएको हो ।

नेता पाण्डेका अनुसार २ दिन देखि भोकै रहेका ३० जना नेपाली मजदुरलाई चामल, दाल, आटा लगाएका दैनिक उपभोग्य सामान रासन बितरण गर्नुका साथै खाना खुवाइएको छ।

उनले अब कतैबाट सहयोग उपलब्ध नभएमा उनिहरूको अवस्था नाजुक हुने जानकारीसमेत दिए।