हामी सबैकाे संसारन्यूज

केही दिनअघि अमेरिकामा कोरोना भाइरसका कारण दिवंगत हुन पुगेका पवन मल्लको नेपालमा रहेको परिवारलाई सहयोगका लागि आर्थिक संकलन सुरु गरिएको सामाजिक अभियन्ता मिलनकुमार शाहीले जानकारी दिएका छन् ।

नेपालमा पर्बत घर भई वुडसाइडमा बस्दै आएका मल्लको न्यूयोर्कको अस्पतालले भर्ना लिन नमानेपछि अप्रिल १५ का दिन घरमै निधन भएको थियो ।

अस्पतालले भर्ना लिन नमानेपछि न्यूयोर्कमा एक नेपालीको घरमै निधन

शाहीका अनुसार अमेरिकामा परिवारका सदस्य कोहि पनि नभएको र परिवारको आर्थिक अवस्था कमजोर रहेको भन्दै रुममेट सरगम भट्टराई र बिजय ज्ञवालीले नेपालमा रहेका छोरीहरुलाई हेरचाह र पढाई खर्चका लागि मानवताको निमित्त सहयोग भनेर gofundme मार्फत रकम उठाउन सुरु गरेका थिए ।

उनीहरुको सो अभियानलाई ‘दर्शन ठकुरी समाज’ ले अगुवाइ लिएको पनि उनले बताए । अभियन्ता शाहले मल्लको परिवारलाई आफ्नो गच्छे अनुसार सहयोग गर्न सबैसँग हार्दिक आव्हान गरेका छन् ।

सहयोग गर्न चाहनेहरुले यो लिंकमा क्लिक गरेर सहयोग गर्न सक्छन्