हामी सबैकाे संसारन्यूज

११ बैशाख, काठमाण्डौं । बुधबार मध्यराति एकिकरण भएका समाजवार्दी पार्टी र राष्ट्रिय जनता पार्टी एक भएर ‘जनता समाजवादी पार्टी नेपाल’ निर्माण भएको छ ।

विहिबार विहिबार बिहान १० बजे उक्त पार्टीका उपेन्द्र यादव, राजेन्द्र महतो लगायतका शिर्ष नेता तथा केन्द्रीय कार्यकर्ताको सहभागीतामा कान्तिपथस्थित निर्वाचन आयोगमा पुगेर पार्टी दर्ताका लागि निवेदन दिएका छन् भने दल दर्ता प्रक्रिया अगाडि बढाइने निर्वाचन आयोगले जानकारी दिएको छ ।
सबै प्रक्रिया पूरा गरेर आयोगमा दल दर्ता गराउन पुगेको नेताहरुले बताएका छन् ।

उनीहरुले प्रधानमन्त्रीले अध्यादेश ल्याएर पार्टी फुटाउन खोजेको आरोप लगाउँदै आफूहरुले एकता गरेको र यो एकता नेपाली जनताको एकता भएको सन्देश दिएको समेत बताएका छन् ।

दल दर्ताका लागि आयोगमा पुगेका पार्टीका अध्यक्ष राजेन्द्र महतोले जनताले जिताएको र आसा गरेको पार्टीबाट असन्तुष्ट हुँदै जनताले वैकल्पिक शक्ति खोजिरहेको बेला आफूहरु एकिकृत भएर नेपालकै तेश्रो दलको रुपमा बैकल्पिक शक्ति बनेर आउन खोजेको बताए । उनले यो एकताको प्रक्रिया १ वर्षदेखि नै भएको र उपेन्द्र महतोले सरकार छोड्न ढिला भएकाले पनि एकता ढिलो भएको र बुधबार नै एकता गरिएको बताए ।

‘प्रधानमन्त्री केपी ओलीले लोकतन्त्रलाई कमजोर गर्ने पार्टी प्रणालीलाई कमजोर गर्ने, देशमा अशहिष्णुता निम्त्याउने र एकदलिय व्यवस्था तथा निरंकुशता देशमा लाद्ने, जुन निरंकुशताका विरुद्ध हामी लड्यौ, तर आज सरकारले एकदलिय रुपमा जे मन लाग्यो त्यहि गर्ने संबैधानिक नियुक्ति गर्ने, दललाई फुटाउने, यस्ता अध्यादेश रातारात ल्याउनु भयो’, दल दर्ताका लागि आयोगमा पुगेका नेता महतोले संचारकर्मीसँग भने, ‘आफ्नो कुर्सी रक्षा गर्न ल्याएको अध्यादेश राजपा र समाजवादी पार्टीलाई फुटाउँछु भनेर लागेको भन्ने समाचार आएपछि हिजो राति बसेर एकता प्रक्रिया टुंगो लगाएका हौं । हामी एकिकृत भएका हौं ।

त्यसैगरी उपाध्यक्ष रेणु यादव लगायतका केही नेता तथा कार्यकर्ता असन्तुष्ट रहेर पार्टी फुटाएर नयाँ दल बनाउन खोजिएको भन्ने कुरा आएको छ नि भनेर सोधिएको प्रश्नमा महतोले भने, ‘फुट्ने कुरा त देखि हाल्नु भयो, जुटेर देखाइदियौं फलना तिलाना भन्ने कुरा आएको छ समाजवादी र राजपामा कुनै फुट छैन । सबैलाई मिलाउँछौ । एकता प्रक्रियालाई अगाडि बढाउँछौं ।’

बुधबार राति समाजवादी पार्टीका तर्फबाट बाबुराम भट्टराई, उपेन्द्र यादव, अशोक राई र राजेन्द्र श्रेष्ठ तथा राजपाका तर्फबाट महन्त ठाकुर, राजेन्द्र महतो, महेन्द्र राय यादव र शरत सिंह भण्डारीको सहभागीतामा दुवै पार्टीलाई मर्जर गरेर जनता समाजवादी पार्टी बनाइएको हो ।

मध्यरात हुनै लाग्दा समाजवादी र राजपा बिच एकता