Sansar News
१२ वैशाख, काठमाडौँ । अन्ततः सरकार आफ्नै निर्णयबाट पछि हटेको छ । चौतर्फी विरोध भएपछि सरकारले सोमबार मात्र जारी गरेका दुवै विवादास्पद् अध्यादेश फिर्ता लिने निर्णय गरेको हो ।
शुक्रबार बसेको मन्त्रिपरिषद बैठकले राजनीतिक दल र संवैधानिक परिषदसम्बन्धी अध्यादेश फिर्ता लिने निर्णय गर्दै अध्यादेश खारेज गर्न राष्ट्रपतिलाई सिफारिस गर्ने निर्णय गरेको छ ।
प्रधानमन्त्री केपी ओलिले बिहिबार नै अध्यादेश फिर्ता लिने संकेत दिएका थिए । त्यसलगत्तै सरकारमा नभएका बहुमत सचिवालय सदस्यहरुले पनि अध्यादेश फिर्ता लिनुको विकल्प नरहेको निर्णय गरेका थिए ।
संविधानको धारा ११४ (ख) बमोजिम सरकारको सिफारिसअनुसार राष्ट्रपति विद्यादेवी भण्डारीले अध्यादेश खारेज गर्ने व्यवस्था छ ।
तस्विर : प्रधानमन्त्री कार्यालय
वि.सं.२०७७ वैशाख १२ शुक्रवार १३:०३ मा प्रकाशित
