हामी सबैकाे संसारन्यूज

२७ अप्रिल । कोरोना भाइरस कोभिड १९ का कारण दोस्रो क्षति भोगेको देश इटालीले लकडाउन खोल्ने भएको छ ।

इटालीबाट हरि काराखेतीले जानकारी दिए अनुरा कोरोनाभाइरस संगको सहअस्तित्वमा इटालीभरि मे ४ बाट लकडाउन खोलिने भएको हो ।

कोरोना संक्रमणबाट मृत्यु हुनेको संख्या उल्लेखनीय रूपमा घट्दै गएको अवस्थामा इटालियन सरकारले विभिन्न राजनीतिक पार्टीहरु, डाक्टर तथा बिज्ञहरुसंग बसेको बैठकपछि लकडाउनलाई चरणबद्ध रूपमा समाप्त गरिने घोषणा गरेको छ ।

इटालीको प्रधानमन्त्री जुसेप्पे कोन्तेले लकडाउन समाप्त गर्न भिन्नभिन्न समयमा विविध चरणबाट खुकुलो बनाउदै लैजाने बताएका छन् ।
आउदो मे ४ बाट लकडाउन खुकुलो बनाइ पनि प्रत्येक नागरिकले अनिवार्य मास्क लगाउनु पर्ने, सामाजिक दुरी कायम गरी एक मिटरको सुरक्षा दूरी अपनाएर हिड्डुल गर्न पाउने छन् ।

एक अञ्चल  (Zona) बाट अर्को अञ्चलको प्रवेशमा भने अझै कडाइ गरेको छ । सेल्फ प्रमाणिकरण (L’autocertificazione)साथमा लिगेर विशेष कामको लागि, स्वास्थको कारणले र लकडाउनका कारण छुट्टीएर बस्नु परेका कामदारहरु, विद्यार्थीहरु र एउटै घर परिवारका सदस्यहरू भेटघाट गर्ने उदेश्यले यात्रा गर्न पाउनेछन् ।

प्रधानमन्त्री जुसेप्पेका अुनसार समय गति अनुसार परिस्थितिमा क्रमश सुधार हुदै जाँदा सरकारी तवरबाट पनि नंया नियमहरु जारी गरिने छ ।मे 18 बाट निर्णयहुने गरि प्रोफेसनल खेलाडीहरु र अन्य सामूहिक पेशेवरहरूको खेलहरूको तालिम तथा प्रशिक्षण सुरुवात हुनेछ तर खेलाडीले द्द मिटरको सुरक्षा दुरि अपनाउन पर्ने र भिडभाड गर्न सख्त मनाही छ ।

जुन 1 बाट रेस्टुरेन्ट, बार, सैलुन तथा हेयरड्रेसरहरू  (Parrucchieri e Barbieri)  अनिवार्य मास्क प्रयोग गरि एक पटकमा एक जनाले मात्र प्रवेश गर्न पाउने । रेस्टुरेन्ट बार भित्र बसेर खान मनाही छ र त्यहाबाट खाजा बोकेर अफिसमा अथवा अरु कुनै सहज हुने ठाउँमा बसेर खान सकिने छ ।

स्कुलहरु भने आगामी सेप्टेम्बरबाट मात्र खुलाइने जनाइएको छ । जनजीवन पहिले जस्तै सामान्य अवस्थामा फर्किन अझै केही समय लाग्ने छ ।

प्रधानमन्त्री जुसेप्पेका अुनसार समय गति अनुसार परिस्थितिमा क्रमश सुधार हुदै जाँदा सरकारी तवरबाट पनि नंया नियमहरु जारी गरिने छ ।

आजको मितिसम्म Coronavirus का कारण सन्सारमा दुई लाख मानिसहरूको मृत्यु भैसकेको छ भने 2,9  मिलियन भन्दा बढी सन्क्रमित भएका छन् । इटाली भित्र मात्रै 197675 जना सन्क्रमित भएका थिए भने मृत्यु हुनेको संख्या 26644 पुगेको छ ।

नेपाली समाज रोमका अध्यक्षसमेत रहेका हरि काराखेती नेपालले पनि विज्ञहरुसँग छलफल गरी विस्तारै विस्तारै लकडाउन खुल्ला गर्दै जानु पर्ने सुझाव दिएका छन् । उनी भन्छन् “नेपाल सरकारले पनि लकडाउनको अन्त्य बिज्ञहरुको परामर्शमा बैज्ञानिक तवरले सोच्न जरुरी छ । सरकारी स्कुलको घण्टी बज्ना साथ सबै विद्यार्थीहरु एकैसाथ कक्षा कोठाबाट बाहिर निस्किए जस्तै तथा फ्लिम हलमा फ्लिम सकिएको घन्टी लागेपछि भित्र भएका हुरुरुरु बाहिर निस्केझैं नहोस, लकडाउन खोलेको घन्टी लगाउँदा र क्रमशः आवश्यकता अनुसार भिडभाड नहुने गरि सुरक्षा दुरि अपनाउनु अत्यावश्यक छ ।

नियमितरूपमा सरसफाइ र सामाजिक सुरक्षा दुरि अपनाउनु नै कोरोना संक्रमण हुन बाट जोगिने मुख्य उपाय हुन् ।”