Sansar News
५ जेठ, काठमाण्डौं । नेपालमा कोरोना संक्रमितको संख्या ३५९ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लोपटक थपिएकामा बाँकेको भेरी अस्पतालमा परीक्षण गरिएका ४७ जनामा कोरोना संक्रमण पुष्टि भएको छ । ४७ जनामा एक महिला र ४६ जना पुरुष रहेका छन् ।
त्यसैगरी भैरहवामा गरिएको नमुना परीक्षणमा गुल्मीमा १, विराटनगर अस्पतालमा गरिएको परीक्षणमा मोरङका १ र धुलीखेल अस्पतालमा गरिएको परीक्षणमा धनुषाका १, रौतहटका १, दाङका १ र धादिङका १ जना रहेका छन् । उनीहरुको सबै १८ देखि ४६ वर्ष उमेरका रहेका छन् । उनीहरुको अवस्था सामान्य रहेको बताइएको छ ।
आज बिहान मात्रै सप्तरीका ९ जनामा संक्रमण पुष्टि भएको स्वास्थ्य मन्त्रालयले जानकारी दिएको छ । यो सँगै नेपालमा आजमात्रै ६१ जना नयाँ संक्रमित भेटिएका हुन् ।
थप ९ जनामा कोरोना संक्रमण भएको पुष्टि, संक्रमितको संख्या ३०४ पुग्यो
वि.सं.२०७७ जेठ ५ सोमवार १६:५४ मा प्रकाशित
