Sansar News
पर्वत जिल्लाको कुश्मा नगरपालिका वडा न ३ दुर्लुङमा भिषण पानीसँगै आएको पहिरोमा पुरिएर ६ जनाले ज्यान गुमाएका छन् । अहिलेसम्म ६ जनाको शव भेट्टिएको छ भने अझै ३ जना हराइरहेका छन् ।
पर्वतको दुर्लुङमा भिषण वर्षा, दुईजनाको मृत्यु, सातको खोजी जारी
प्रहरीका अनुसार शनिबार बेलुकै ३ जनाको शब भेटिएको थियो भने बिहान थप ३ जनाको शब भेट्टिएको छ ।
कुश्मा नगरपालिका ३ का वडाअध्यक्ष तेजप्रसाद पाध्याका अनुसार पहिरोमा परेर स्थानीय तुलबहादुर थापा, उनकी श्रीमति मिनकुमारी थापा र दुई नातीनीहरु दिविसा थापा र दिपा थापाको शब भेट्टिएको छ ।
त्यस्तै कमला विक उनकी छोरी प्रमिसा विकको शव भेट्टिएको छ भने ३ जना हराइरहेका छन् ।
घटनामा स्थानीय गोपाल गिरी घाइते भएका छन्, रुखले किचेको अवस्थामा उनको गाउँलेले उद्धार गरिएको छ । पहिरोका कारण ७ घर जोखिमका रहेको जानकारी दिँदै अध्यक्ष पाध्याले उनीहरुलाई सुरक्षित स्थानमा सार्नेबारे अहिले छलफल भैरहेको बताए ।
बेपत्ता हुनेहरुमा सम्राट थापा, विवेक थापा र जेनिस विक रहेका छ । उनिहरुको जारी रहेको जिल्ला प्रहरी कार्यालय पर्वतले जनाएको छ ।
वि.सं.२०७७ जेठ ३२ आइतवार ०९:०६ मा प्रकाशित
