हामी सबैकाे संसारन्यूज

२३ असार, काठमाडौँ । चितवन साहित्य परिषदले यसवर्ष प्रदान गर्ने चितवन साहित्य परिषद् प्रतिभा पुरस्कार २०७७ हाइकुकार एवम् अनेसासका जापानका पूर्व अध्यक्ष एवं अनेसास केन्द्रका वरिष्ठ उपाध्यक्ष प्रकाश पौडेल ‘माईला’ लाई प्रदान गर्ने निर्णय गरेको छ ।

चितवन साहित्य परिषद्को बैठकले यसवर्षको चिसाप प्रतिभा पुरस्कार पर्दाफास (२०६१) र हजार हाइकु (२०७५) संयुक्त रुपमा हाइकुकार प्रकाश पौडेल माइलालाई पुरस्कृत एवम् सम्मानित गर्ने निर्णय गरेको हो । उक्त पुरस्कारको राशी रु. १५,०४५ र प्रमाणपत्र रहेको छ ।

त्यस्तै उक्त बैठकले वाल्मीकि साहित्य सदनका अध्यक्ष, सम्प्रेषण साहित्यिक पत्रीकाका प्रधान सम्पादक, वरिष्ठ निबन्धकार, साहित्कार रामबाबु घिमिरेको निबन्धसङ्ग्रह ‘केन्द्र र परिधि’ चिसाप खेमलाल साहित्यिक पुरस्कार(२०७६) बाट सम्मानित गर्ने निर्णय गरेको छ । खेमलाल साहित्यिक पुरस्कार सामाजिक व्यक्तित्व जीवा लामिछानेद्वारा आफ्ना दिवंगत पिताको नाममा स्थापित गरिएको हो । पुरस्कारको नगद राशि ५० हजार ४५ रुपैयाँ रहेको छ ।