हामी सबैकाे संसारन्यूज

२३ असार, काठमाण्डौं । नेपालमा मंगलबार (२३ असार ) सम्म पिसीआर प्रविधिबाट २ लाख ६१ हजार ८६१ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट ६,१३३ नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिएका छन् ।

पछिल्लो २४ घण्टामा ६,१३३ वटा पिसीआर नमुना परीक्षण गरिएको छ । यो संख्या आइतबार र सोमबारको तुलनामा झण्डै २ हजारले बढी हो ।
त्यसैगरी हालसम्म देशका विभिन्न अस्पताल तथा आइसोलेशन सेन्टरहरुमा ८,६३४ जनाको उपचार भइरहेको छ । साथै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या २५ हजार ७२७ रहेको छ । यो संख्या दिनप्रतिदिन घटिरहेको छ ।

हालसम्म नेपालमा संक्रमितको संख्या १६,१६८ पुगेको छ भने आज निको भएर ६८८ जना डिस्चार्ज भएसँगै नेपालमा हालसम्म ७,४९९ जना कोरोना संक्रमणबाट मुक्त भएका छन् । साथै हालसम्म मृतकको संख्या ३५ रहेको छ ।

आज २०४ जनामा कोरोना संक्रमण, संक्रमितको संख्या १६,१६८ पुग्यो
नेपालमा आज. २०४ जना कोरोना संक्रमणका नयाँ विरामी भेटिएका छन् । स्वास्थ्य मन्त्रालयका अनुसार आज सबैभन्दा बढी बाजुरामा ५४ जना संक्रमित भेटिएका छन् । साथै काठमाण्डौंमा १४ जना, ललितपुरका १० र भक्तपुरमा ४ गरी उपत्यकामा जम्मा २८ जनामा संक्रमण पुष्टि भएको छ ।

आज उपत्यकाका २८ सहित २०४ जनामा कोरोना संक्रमण, संक्रमितको संख्या १६,१६८ पुग्यो

अछाममा ११, बैतडी ११, ललितपुरमा १०, महोत्तरीमा ९, अर्घाखाँचीमा ८, धनुषामा ८, डोटीमा ७, मोरङमा ६, डडेल्धुरामा ६ नवलपरासीमा ५, सल्यानमा ५, रुकुमपश्चिममा ४, दाङमा ३, मकवानपुरमा ४, सर्लाहीमा ३, सुर्खेतमा ३, सप्तरीमा ३, गोर्खा, तनहुँ, पाल्पा, सुनसरी र बर्दियामा २÷२ जना र गोर्खा, सिन्धुली, सिन्धुपाल्चोक, धादिङ, कास्की, लम्जुङ, नुवाकोट, पर्सा, रामेछाप, रुपन्देही, सप्तरी, रुकुमपश्चिम, रामेछाप, बाग्लुङ, कपिलवस्तु,झापा र रुकुमपूर्वमा १÷१ जना गरि आज २०४ जनामा कोरोना संक्रमण पुष्टि भएको छ ।

आज थपिएका २०४ जनासँगै नेपालमा कोरोना संक्रमितको संख्या १६,१६८ पुगेको छ ।

आज पनि ६८८ जना कोरोना संक्रमणबाट निको भए
नेपालमा कोरोना संक्रमणबाट निको हुनेको संख्या दिनप्रतिदिन बढिरहेको छ ।

स्वास्थ्य मन्त्रालयका अनुसार पछिल्लो २४ घण्टामा देशका विभिन्न अस्पताल तथा आइशोलनमा उपचाररत ६८८ जना कोरोना संक्रमणबाट मुक्त भएर घर फर्किएका छन् ।

आज निको भएका ६८८ जनासँगै नेपालमा हालसम्म कोरोना संक्रमणबाट निको भएर घर फर्किनेको संख्या ७,४९९ पुगेको छ । मन्त्रालयका अनुसार हालसम्म संक्रमित भएका मध्ये ४६.४ प्रतिशत संक्रमितहरु स्वास्थ्य लाभ गरेर घर फर्किएका हुन् ।

मन्त्रालयले उनीहरुको उपचारमा अहोरात्र खटिने चिकत्सक, नर्स, स्वास्थ्यकर्मी तथा अन्य सहयोगी शुभेच्छुकहरुलाई धन्यवाद ज्ञापन रगेको छ ।

नेपालमा यी चार जिल्ला जो कोरोना ‘फ्रि’ जिल्ला घोषणा भए
नेपालमा पछिल्ला केहि दिनयता कोरोना संक्रमण हुनेको संख्या घट्दै गएको छ । गत चैत ८ गते फ्रान्सबाट आएकी काठमाण्डौंकी युवतीमा कोरोना संक्रमण देखिएपछि सरकारले चैत ११ गतेबाट देशैभरी लकडाउन घोषणा गरेको थियो । चैत ११ देखि गरिएको लकडाउन आज १०६ औं दिनमा पुगेको छ ।

यसवीचमा संक्रमितको संख्या पनि ह्वात्तै बढ्दै गयो । देशका ७७ वटै जिल्लामा कोरोना संक्रमित भेटिए । तर, हाल ७७ जिल्लामा कोरोना संक्रमण हुने क्रम मत्थर हुँदै गएको देखिन्छ ।

७७ जिल्ला मध्ये ४ जिल्ला कोरोना संक्रमणबाट मुक्त भइसकेको घोषित भएका छन् । ती जिल्लामा हाल एकजना पनि कोरोना संक्रमित छैनन् ।

स्वास्थ्य तथा जनसंख्या मन्त्रालयका अनुसार कोरोना भाइरस संक्रमणबाट मुक्त भएका चार जिल्लामा प्रदेश १ को तेह्रथुम, भोजपुर र सोलुखुम्बु रहेका छन् भने कर्णाली प्रदेशको हुम्लामा पनि कुनै पनि कोरोना संक्रमति नभएको बताइएको छ ।

रित्तिदै छन् कर्णालीका आइसोलेशनहरु, १४९८ कोरोना संक्रमितमा १२३१ जना निको भए
कर्णाली प्रदेशमा पछिल्लोपटक कोरोना संक्रमणलाई जितेर घर फर्किनेको संख्या दिनप्रतिदिन बढिरहेको छ ।

प्रदेश सरकारले कोरोना संक्रमितको उपचारका लागि निर्माण गरेका प्रदेशका विभिन्न आइसोलेशनहरु यतिबेला रित्तिदै गएका छन् ।

कर्णालीमा आइतबार पुष्टि भएका ९ जनासहित कूल संक्रमितको संख्या १,४९८ रहेको छ । जसमा १,२३१ जना कोरोना मुक्त भएर घर फर्किएका छन् । कर्णाली प्रदेशको सामाजिक विकास मन्त्रालयका अनुसार कोरोनाको इपिसेन्टर बनेको दैलेखमा मात्रै ७०३ जना कोरोनालाई जितेर घर फर्किएका छन् ।

नेपालमा हालसम्म १५,९६४ जनामा कोरोना संक्रमण, ३५ को मृत्यु, यस्तो छ अन्य अपडेट