Sansar News
पुरस्कार पाउनेले पाएजस्तो होस्
दिनेले दिए जस्तो होस्
पुरस्कार वाध्यताले छिनेर लिएजस्तो नहोस्
वा मोलतोलमा किनेर लिएजस्तो नहोस्
पुरस्कार दिदाँ यसको यस्तो जित होस्
पुरस्कार दिदाँ पुरस्कार पुरस्कृत होस्
पुरस्कार थाप्दा नथाप्दै चुहिने नहोस्
थन्क्याउदा थन्क्याउने कुहिने नहोस्
पुरस्कार पुरस्कार नै होस्
पुरस्कार तिरष्कार नहोस्
पाउनेलाई पुरस्कार स्वीकार होस्
तर पुरस्कार बहिष्कार नहोस्
पुरस्कार पाउनेको गर्वले छाती फुलोस्
प्रतिभा चुलिदै माथि पुगोस्
पुरस्कारमा यस्तै ठूलो दम होस्
चाहे यसको मुल्य एकरुपैया भन्दा नि कम होस् ।
वि.सं.२०७७ साउन ३ शनिवार ०९:१४ मा प्रकाशित
