हामी सबैकाे संसारन्यूज

सुनौलो भविष्यको सपना बोकेर
भीर पाखामा लडदै दौडिएको जीवन
वारूँदलाई सिरानी बनाई
हतकेलामा प्राणराखी
बन्दूक बोकी दौडिएको जीवन
रक्तरन्जित क्रान्ति
सुनौलो भविष्यको वीश्वासमा
सृजित रक्तनदीका मुहानहरू
निर्मित जलास्रयरूपी रक्तकुण्डहरू
सुनौलो भविष्यको विश्वासमा
छरिएकाछन वलिदानी रक्तिम थोपाहरू
मातृभूमिका प्रत्यक कण कणहरूमा
चिच्याई रहेछन वलिदानी इतिहासहरू
अन्याय अत्याचारको पराकाष्ठामा
निर्माता बन्दा रहेछन कुटील स्वार्थहरू
रक्तनदी र जलास्रयरूपी रक्तकुण्डहरूका
बनाउदा रहेछन रक्तिम खुडकिलाहरू
आ-आफ्नै स्वार्थ परिपूर्तिका
त्यसैले,
बडार्ने छ अन्याय अत्याचार बनि भीषण जन सुनामी
लेखिनेछ स्वर्णिम इतिहास वलिदानी पथहरू समाती