हामी सबैकाे संसारन्यूज

उहिले बलभद्र कुवँरले
महाबैरी ठानेका अङ्ग्रेजहरुलाई
जङ्ग बहादुरले रातो कार्पेटले
स्वागत गरेपछी
तानाशाहहरुले
आँखाका कसिङ्गर ठानेका
प्रजातन्त्रबादिहरुलाई
हिन्दुस्तानले आश्रय दिएपछी
नाकाबन्दिले पन्चायती ब्यबस्था
थिलथिलो हुँदा
प्रजातन्त्रबादिहरुको अनुहार
खुसिले चम्किए पछि
फेरि बहत्तर सालमा
नाकाबन्दिमा हिन्दुस्तानलाई
सत्तोसराप गर्दै
एकाएक राष्ट्रबादको भल उर्लिएपछि
म दोबाटोमा उभिएकोछु
राष्ट्रबादको
असली परिभाषा खोज्दै
कहिले देवत्वकरण
कहिले दानविकरण
करणै करणको खेलमा
मेरो राष्ट्रबाद
आज करणी भएको छ
र म त्यही करणी
निरीह भएर हेरिरहेछु
मलाई सोध्छौ भने
मेरो बुद्दु दिमागको बुझाईमा
राष्ट्रबाद भनेको त
राष्ट्र आबाद हो
नहुनुबाट आजाद हो…!