हामी सबैकाे संसारन्यूज

(१)
तिम्रै लागी ब्रत बसी, पुजा गर्ने दिन आउछ
हातमा तिम्रै नाम लेखी, बुट्टा भर्ने दिन आउछ
हरिया पहेला अनि राता, चुराहरु नाडी भरि सजाएर
सिउँदो भरि तिम्रो नामको, सिन्दुर छर्ने दिन आउछ…
(२)
तिम्ले मलाई मुटु भन्दा, प्यारो ठान्छु भनेपछि
हिम्मत गरि तिमीसँग, साँच्चै जान्छु भनेपछि
साईत होस् या नहोस् अब,पन्चे बाजा बजाई दिन्छु
तिम्ले मलाई मैले पुज्ने, देबतामान्छु भनेपछि…
(३)
तिम्रै लालपुर्जा भयो मुटु, अरु सँग बाँडिन सक्दैन
तिमी सङ्गै जोडियो मन, अब कहिल्यै टाडिन सक्दैन
तिम्रो आशु पुछ्ने मेरोहात, मेरो पुछ्ने तिम्रो हात
हाम्रो बिश्वासको यस्तोनाता, कहिले पनि भाँडिन सक्दैन..
(४)
तिम्रो सिन्दुर पोते भए, मलाई कुनै श्रृङ्गार चाहिदैन
सुन चाँदिका गहना र, त्यो हिराको हार चाहिंदैन
मात्रै तिमी बगिदिनु, मेरो शरिरको नशा नशामा
त्यति भए मैले बाँच्न, कुनै रक्त संचार चाहिदैन..
(५)
पहिले मान्ने तीज भन्दा, अहिले मान्ने तीज फरक
लाउने खाने कुरादेखी, सबै सबै चिज फरक
सस्कार भन्दा पनि धेरै, बिकृती बढ्न थालेपछि
देख्न थाले समाजभित्र, यस्ले रोप्ने बिज फरक ..