हामी सबैकाे संसारन्यूज

१९ भदौ, काठमाठौँ । बाग्लुङ् ढोरपाटन यतिबेला बाढी पहिरोले विक्षिप्त बनेको छ। यस्तो अवस्थामा मनभरी आफ्नो गाउँथलो सजाएका विदेशमा कार्यरत नेपालीहरु कसरी चुप बस्न सक्थे र ! तन सातसमुद्र पारी भएपनि मन भने सँधै आफ्नै गाउँठाउँका लागि चिन्तित हुनु स्वभाविक हो ।

जापानमा रहेका युवाहरु ढोरपाटनमा आएको बाढीपहिरोले पारेको दुःखमा मलहम लगाउने प्रयास स्वरुप आर्थिक सहयोग जुटाउन लागि परेका छन् । बाग्लुङ समाज जापान र गल्कोट समाज जापान आर्थिक सहयोग अभियानमा जुट्दै सहयोगका लागि जापानमा कार्यरत बाग्लुङेहरुलाई अनुरोध गरेका छन् ।

सहयोग अभियानका लागि आग्रह गर्दै बाग्लुङ समाजले भनेको छ ‘बाग्लुङ ढोरपाटनमा बाढी पहिरोबाट ठूलो जनधनको क्षति दर्जनौको निधन, तिन दर्जन भन्दा बढी बेपत्ता भएको दुखद ख़बरले हामी स्तब्ध भएका छौ र साथै यस्तो दुखद घढीमा मानवताको हिसाबले पनि उद्दार र राहत अभियानमा जुट्नु पर्ने हाम्रो कर्तब्य भएको हामी बाग्लुङ समाज जापान पनि सहयोग अभियानमा जुटेका छौ सम्पुर्ण महानुभावमा सहयोगको अपेक्षा गर्दछौ।’

https://www.facebook.com/galkotsamajjapan/posts/2991993557694708

‘हामी परदेशमा छौ यो दुखमा गाउँ पुग्न सक्दैनौ हामीले आत्म शान्तिको लागि भएपनि गर्ने भनेको आर्थिक सहयोग हो र त्यो सबैभन्दा महत्वपूर्ण छ यतिवेला’,  विपत्तिमा सबैले हातेमालो गर्न आह्वान गर्दै अनेसासका केन्द्रीय सदस्य दीप पाठक भन्छन् ‘बाग्लुङेहरूको ठुलो संख्या छ जापानमा, यतिवेला मौन नबसौ आउँनुस सहयोग गरौ। अन्य जिल्लाबासीहरूले पनि यो विपदमा सहयोग गर्ने अपेक्षा गरेको छु ।’

सहयोग गर्न चाहनेहरुले गल्कोट समाज जापानको उल्लेखित खातामा रकम जम्मा गर्न सक्ने बताइएको छ ।
-JP Accout- 10940—11858861
バグルン　ソサイティ　ジャパン
Baglung Samaj Japan
-JP Accout -10060-68698211
Galkot Samaj Japan

बाग्लुङको ढोरपाटन नगरपालिकास्थित लाकुरीबोटमा बुधबार गएको बाढीपहिरोमा धेरै ज्यानधनको क्षति भएको छ। करिब ३ दर्जन घर बाढी पहिरोले नष्ट गरेको छ भने १०० भन्दा धेरै घरमा क्षति पुगेको छ। १४ जनाको शब भेटीएको छ भने अझै ३ दर्जन बढी बेपत्ता छन्।