हामी सबैकाे संसारन्यूज

काठमाडौं । अर्थमन्त्री डा. युवराज खतिवडाले राजीनामा दिएका छन् । उनले प्रधानमन्त्री केपी शर्मा ओलीलाई राजीनामा बुझाएको प्रधानमन्त्रीका प्रेस सल्लाहकार सूर्य थापाले जानकारी दिए।

शुक्रबारको बैठकमा अर्थमन्त्री डा. युवराज खतिवाडले बिदाई मागेका थिए । उनले सरकार बाहिरै रहेर पनि सहयोग गर्न तयार रहेको कुरा राखेका थिए । बैठकमा खतिवडाले आफ्नो कार्यकालमा गरेका कामहरुबारे ब्रिफिङ्ग गरेका थिए । बैठकपछि उनले अर्थ मन्त्रालय र सञ्चार तथा सूचना प्रविधि मन्त्रालय पुगेर कर्मचारीसँग बिदाइ भएका थिए।

खतिवडाले २०७४ सालको फागुनमा अर्थमन्त्रीको रुपमा जिम्मेवारी सम्हालेका थिए । उनले तत्कालिन सञ्चारमन्त्री गोकुल बाँस्कोटाले राजीनामा दिएसँगै ०७६ को फागुन ८ देखि सञ्चारको जिम्मेवारी पनि सम्हालेका थिए ।

खतिवडाको राष्ट्रिय सभा सदस्य रहेका खतिवडाको पदावधि भोली (शनिबार)देखि सकिँदैछ । उनको ठाउँमा पार्टी उपाध्यक्षसमेत रहेका नेता बामदेव गौतमलाई सिफारिस गर्ने निर्णय सत्तारुढ नेकपाले गरेसँगै उनले राजीनामा बुझाएका हुन् ।

सम्बन्धित समाचार

तत्काल मन्त्रिपरिषद पुर्नगठन नहुने, मन्त्रिहरुलाई प्रधानमन्त्रीले भने, ‘ढुक्क भएर काम गर्नुस !’