हामी सबैकाे संसारन्यूज

यूके । बेलायतमा निर्माण हुन लागेको भिक्टोरिया क्रस बिजेता हवल्दार स्वर्गीय कुलवीर थापाको शालिक निर्माणका लागि नरेन्द्र राई दम्पतिले आर्थिक सहयोग गरेका छन् ।

किरॉंत राई यायोख्खा, बेलायतका केन्द्रीय सदस्य नरेन्द्र कुमार राई र एनआरएनए बेलायतका केन्द्रीय सदस्य शुसीला राईले एक हजार १५ पाउण्ड स्टर्लिङ रकम सहयोग गरेका हुन् ।

कुलवीर थापाको शालिक निर्माणका लागि एक हजार १५ पाउण्ड स्टर्लिङ सहयोग गर्छौ भनेर म र मेरो श्रीमान नरेन्द्र राईले प्रतिबद्धता गरेका थियौं’, शुशीला राईले सामाजिक सञ्जाल जानकारी गराउँदै भनेकी छन्, ‘अहिले त्यो प्रतिबद्धता पूरा गर्न पाउँदा खुशी लागेको छ ।’

समाजमा गरिने यस्ता महान कार्यमा आफूहरुको सँधै साथ रहने बताउँदै राईले गोर्खा मेमोरियल शालिक निर्माण परियोजना टीम लाई धन्यवाद व्यक्त गरिन् ।

प्रथम विश्वयुद्धमा आफ्नो अदभ्य साहस देखाएबापत बहादुरीका लागि बेलायतको सर्बोच्च पदक ‘भिक्टोरिया क्रस’ बाट बिभुषित पहिलो नेपाली वीर कुलवीर थापाको शालिक अल्डरसटस्थित प्रिन्सेस गार्डेनमा निर्माण हुँदैछ ।

सो प्रोजेक्टमा आर्थिक सहयोग गर्ने चाहनेहरुले Sher Bahadur Sunar (मिडिया सन्योजक कुलवीर थापा शालिक निर्माण समिति) लाई वा ग्रेटर रशमूर नेपाली कम्युनिटीलाई सम्पर्क गर्न सक्नुहुनेछ ।