हामी सबैकाे संसारन्यूज

काठमाडौं । हालसम्म भएका सोध अनुसन्धानको निचोड चिसो समयमा कोरोना भाइरस (कोभिड–१९)को खतरा झन् बढ्ने भन्ने छ । जसको प्रमाण तापमान घटेसँगै पछिल्लो समय ह्वात्तै बढेको कोरोना संक्रमितको तथ्यांकले प्रष्ट देखाउँछ ।

पछिल्लो केहि दिन कोरोना संक्रमितको संख्या नेपालसहित सबै जसो देशमा नाटकीय रुपमा बढिरहेको छ ।

सोधकर्ताअनुसार चिसो मौसममा कोरोना भाइरसको फैलने खतरा बढि हुन्छ । चिसो मौसममा हावामा हुने आद्रताले कोरोना भाइरसलाई चलायमान हुन सहजता हुन्छ ।

हावामा आद्रता अधिक हुँदा संक्रमित व्यक्तिले खोक्दा वा हाच्छ्युँ गर्दा निक्लने पानीको कण सुक्न समय लाग्छ । जसकारण भाइरस तत्काल नष्ट हुँदैन् । जुन एक व्यक्तिबाट अर्को व्यक्तिमा फैलन सहज हुन्छ ।

कसरी जोगिने ?

चिकित्सक कोरोनाबाट जोगिन घरबाहिर अनावश्यक ननिस्कने र निक्लनु परे अत्यन्तै सावधानी पूर्वक निस्कनु पर्ने सुझाव दिन्छन् । सरसफाईमा ध्यान दिन र सामाजिक दुरीलाई विशेष ख्याल गर्न चिकित्सकको आग्रह छ ।

मास्क प्रयोगमा पनि उचित ध्यान दिनुपर्ने सुझाव चिकित्सकले राखेका छन् । साथै संक्रमणबाट जोगिन र संक्रमण भइहाले सुरक्षित रहन पनि खानपानमा विशेष ध्यान दिन चिकित्सकको आग्रह छ । जस्तो पाए त्यस्तै र जहाँ पाए त्यहिँ भोजन नगर्न चिकित्सकले सुझाब दिएका छन् ।

दैनिक भोजनमा औषधीय गुण भएका कतिपय मसलाको प्रयोग गर्न पनि चिकित्सकको आग्रह छ । जिरा, धनिया, कालो मरिज, अदुवा, लसुन र बेसारजस्ता मसलाको दैनिक प्रयोग गर्न चिकित्सकले सुझाव दिएका छन् । एजेन्सीको सहयोगमा