हामी सबैकाे संसारन्यूज

केहोला जात जातीमा घमासान भएपछि,
मान्छे मान्छेको बिचमा अपमान भएपछि ।

खोलाको ढुङ्गा मुर्ति राखेर मन्दिरमा पुज्ने,
मान्छेको लागि त्यहिनै देबी थान भएपछि ।

के बाँकी रहन्छ यो मानब सामाज भित्रमा,
मान्छेभित्र मानवता को अवसान भएपछि ।

कस्को केनै लाग्छ चेतनशिल प्राणि समेत,
सधै मान्छे अञ्जान अनि नादान भएपछि ।

यसो बुझ समाज मा कस्तो जाला सन्देश,
सरकार काम भन्दा बढी उखान भएपछि ।

देशकै बिकास गरेर त देखाउ भन्छौँ हाम्ले,
साँच्चै काम गर्छ मान्छेको जुवान भएपछि ।

मातृत्व भुमि छाडेर को जान्छ परदेश भन,
आफ्नै देशमा रोजि को प्रावधान भएपछि ।

को रुन्थ्यो देश आत्मनिर्भर हुन्छ भने यहाँ,
जनता सँग रोटी कपडा र मकान भएपछि ।