हामी सबैकाे संसारन्यूज

छोरो रावण जन्मियो मुलुकमा, सीता हर्यो रामको
आत्मा खल्बलियो अधर्म थपियो, बेकार सङ्ग्राम भो
भन्थे सत्य सँधै पुगी विजयमा, मार्ने छ पापी खल
हे मन्त्री सरकार न्याय तुहियो,तिम्ले जितेको फल

राखी लक्ष्मण मिर्ग साबक पिछा, टाढा भएको घडी
पापी रावणले ग¥यो कपट पो,नेपालमा गड्बडी
राजाराम विछोडिए पति यता, सीता रुने भल्भल
हे मन्त्री सरकार न्याय तुहियो, तिम्ले जितेको फल

टुक्का शासनमा निरास सपना, बोकी रह्यो देशले
ठट्टा लाग्छ उखान मात्र छ नयाँ, धोती भि¥यो भेषले
भ्रष्टाचार दलाल बाट जहिल्यै, छाई रह्यो दल्दल
हे मन्त्री सरकार न्याय तुहियो, तिम्ले जितेको फल

सिङ्गो राष्ट्र अखण्ड खण्ड गरियो, सातै भए राजन
यौटा रावण केन्द्रमा अनि अरू, छन् कंश दुस्सासन
क्वै दुर्योधन दुष्ट पात्र शकुनी,मात्रै ग¥याछन् छल
हे मन्त्री सरकार न्याय तुहियो, तिम्ले जितेको फल

छन्द: शार्दूलविक्रीडित