Sansar News
हो !
त्यही दिन हो
मैले बुझेको
मित्रता पनि
एडिक्सन रहेछ ।
जुन दिन उसले
मित्रताको नाउँमा
सिद्धान्त बेचेर
खुशी किन्यो
एक पेक्
विदेशी पानी पिएर अनि
आँसु लुकायो
धुँवामा आफ्नो दुःख उडाएर ।
अब त उ बोल्दा पनि
ढुङ्गढुङ्ग्ती गनाउछ
साथीप्रतिको उसको इमानदारी !
कि त ह्वास्स गनाउछ
फोक्सो र कलेजो जलेको जस्तो !
कानै बिझाउछ उसको
अर्थहिन मित्रताको कथाहरुले
जस्को निष्कर्षमा
उ एउटै वाक्य दोहोराउछ
उ भन्छ- ‘मित्रतापनि एडिक्सन रहेछ’
हो साच्चै -मित्रतापनि एडिक्सन रहेछ ।
वि.सं.२०७७ मंसिर ६ शनिवार १०:०८ मा प्रकाशित
