Logo
२ कार्तिक २०७८, मंगलवार
     Tue Oct 19 2021
E-paper
  English Edition
   Unicode
Logo

फागुन १२ देखि पाल्पा महोत्सव



२९ पुस,पाल्पा। पाल्पा जिल्ला सदरमुकाम तानसेनमा आउँदो फागुनमा पाल्पा महोत्सव हुने भएको छ ।

पाल्पा उद्योग वाणिज्य सङ्घको मुख्य आयोजनामा यही फागुन १२ देखि २२ गतेसम्म पाल्पा महोत्सवका लागि विभिन्न उपसमिति गठन भएका छन् ।

‘पाल्पामा कृषि, पर्यटन, उद्योग र व्यापार, अवसर र सम्भावना छ अपार’ भन्ने मूलनाराका साथ तानसेनको टुँडिखेलमा महोत्सव हुने भएको पाल्पा उद्योग वाणिज्य सङ्घका अध्यक्ष मोहनप्रसाद श्रेष्ठले बताउनुभयो ।

पाल्पामा उत्पादित वस्तु तथा सेवाको प्रदर्शन, बिक्री–वितरणका साथै राष्ट्रिय, बहुराष्ट्रिय उत्पादनको समेत महोत्सवको अवधिभर प्रदर्शन गरिने अध्यक्ष श्रेष्ठले बताउनुभयो ।

महोत्सवमा स्थानीय संस्कृतिको प्रवद्र्धन, राष्ट्रिय तथा स्थानीय कलाकारको प्रस्तुति, घरेलु उद्योग, वालन आदिको व्यवस्था रहनेछ । पाल्पा जिल्लाका ख्यातिप्राप्त लाखे नाच, फोटो प्रर्दशनी, खुल्ला तथा विद्यालयस्तरीय नृत्य प्रतियोगिता महोत्सवका आकर्षण हुनेछन् ।

विश्वको सबैभन्दा ठूलो पाल्पाली करुवा, ढाका कपडा, ढाका उद्योग, अदुवा र सुन्तला महोत्सवको विशेष आकर्षणका रुपमा प्रदर्शनस्थलमा राख्ने सङ्घका उपाध्यक्ष शैलेन्द्र भट्टराईले बताउनुभयो । महोत्सवले पाल्पा जिल्लाको आर्थिक, सामाजिक विकासमा टेवा पुग्नेछ । कृषि, पर्यटन, उद्योग व्यवसायको प्रवद्र्धन गर्दै ऐतिहासिक, धार्मिक र सांस्कृतिक पहिचान हुने भएकाले आन्तरिक तथा बाह्य पर्यटक वृद्धि हुने लक्ष्य सङ्घले लिएको छ ।

महोत्सवमा तीनसयदेखि चारसय स्टल रहने, दुई लाख ५० हजार अवलोकनकर्ता आउने आँकलन गरिएको र रु आठ करोड बराबरको कारोबार हुने अनुमान लिएको सङ्घले जनाएको छ ।

पाल्पा उद्योग वाणिज्य सङ्घको मुख्य आयोजना, नेपाल उद्योग वाणिज्य महासङ्घको आयोजनामा हुन लागेको महोत्सवमा जिविस, तानसेन नगरपालिका, जिल्ला कृषि विकास कार्यलय, घरेलु तथा साना उद्योग कार्यालय पाल्पा सहआयोजक रहेका छन् । रासस


यो खबर पढेर तपाईलाई कस्तो महसुस भयो ?

काठमाडौं । प्रमुख प्रतिपक्षी दल नेकपा (एमाले)को अनुरोध पछि प्रतिनिधि सभाको बैठक २ दिनका

काठमाडौँ । पछिल्ला दिनमा झण्डै २०० केन्द्रीय सदस्य थप्दा पनि केहि पर्नै पर्ने ब्यक्तिहरु

काठमाडौं । सत्तारुढ नेपाली कांग्रेस गुटगत राजनीतिले निकै आक्रांत छ । सरकार वा पार्टीगत

काठमाडौँ । नेकपा(एकीकृत समाजवादी) पार्टीले केन्द्रीय ज्येष्ठ कम्युनिष्ट मञ्च बनाएको छ । लामो समयदेखि

काठमाडौँ । नेकपा(एकिकृत समाजवादी) पार्टीले केन्द्रीय सल्लाहकार परिषद् गठन गरेको छ । सो पार्टीको