हामी सबैकाे संसारन्यूज

१ पुष । कोरोना भाइरस(कोभिड १९) बाट अफ्रिकामा थप एक नेपालीको मृत्यु भएको छ ।

संयुक्त रास्ट्र संघको योजना सेवा सम्पर्क कार्यालय ( UNOPS ) नैरोबी , केन्यामा प्रोजेक्ट इन्जिनियरको रुपमा कार्यरत इन्जिनियर सुनिल देव पन्तको कोरोनाका कारण  २०७७ मंसिर २८ गते मृत्य भएको एनआरएनएका पूर्वकोषाध्यक्ष हिक्मत थापाले जानकारी दिएका छन् ।

थापाका अनुसार कोरोनाबाट अफ्रिकामा मृत्यु हुने उनी तेश्रो नेपाली हुन् । थापाले पन्तको मृत्युमा दुःख व्यक्त गर्दै शोक संतप्त परिवारजनमा समबेदना व्यक्त गरेका छन् ।

नेपाल इन्जिनियर्स एशोसिएनले पनि पन्तको मृत्युमा गहिरो दुःख व्यक्त गरेको छ ।

‘अत्यन्त मिलनसार तथा एशोसिएनको हरेक कृयाकलापमा सदैव सक्रिय सहयोग पु¥याउने एक कर्मठ सदस्यको अकल्पनीय निधनले यस एशोसिएसन र राष्ट्रलाई नै अपुरणीय क्षती पुगेको’ बताएको छ ।

स्मरण रहोस् एनआरएनएद्वारा आइतबार सार्वजनिक जानकारी अनुसार विश्वका विभिन्न २० मुलुकमा कोरोना भाइरसको संक्रमणबाट निधन हुने नेपालीको कुल संख्या ३ सय १ पुगेको छ भने ४९ देशका ४९ हजार २ सय ५७ जना नेपालीमा कोरोना संक्रमण भएको छ।