Sansar News
१ पुष, युके । तमुधिं युकेको अध्यक्षका हितकाजी गुरुङ निर्विरोध निर्वाचित भएका छन् ।
बेलायतको सबैभन्दा ठूलो संस्था तमुधिंको वरिष्ठ उपाध्यक्ष रहेका गुरुङ आगामी कार्यकालका लागि अध्यक्षमा निर्विरोध निर्वाचित भएका हुन् ।
तमुधिंले उम्मेदवारी मनोनयनका लागि तोकेको समयसीमाभित्र अध्यक्ष लगायत कार्यसमितिको २९ सबै पदमा एकल उम्मेदवारी परेकोले गुरुङ निर्विरोध निर्वाचित भएको बताइएको छ ।
संस्थाको २९ सदस्यीय सिंगो कार्यसमिति नै निर्विरोध निर्वाचित भएको बताइएको छ । जसको उपाध्यक्षत्रयमा हरि गुरुङ, जुमकाजी गुरुङ र तुलाराम गुरुङ पनि निविर्वरोध भएका छन् ।
त्यस्तै महासचिवमा परशुराम गुरुङ, कोषाध्यक्षमा कमल कोने गुरुङ र खेलकुद संयोजकमा क्या देव घले पनि निर्विरोध निर्वाचित भएको बताइएको छ ।
विश्वव्यापी कोरोनाको महामारीका कारण संस्थाले भर्चुअल माध्यमबाट यहि डिसेम्बर २० तारिखमा ११ औं महाधिबेशन सम्पन्न गर्ने बताइएको छ । सोहिदिन नयाँ कार्यसमितिको औपचारिक घोषणा गरिने पनि बताइएको छ ।
वि.सं.२०७७ पुस १ बुधवार १६:०५ मा प्रकाशित
