हामी सबैकाे संसारन्यूज

७ पुस, काठमाडौं । नेपालमा आज ७२२ जना कोरोना संक्रमित थपिएका छन् ।

पछिल्लो २४ घण्टामा गरिएको ७ हजार नमुना परीक्षणमा उपत्यकाका ३६५ जनासहित देशैभरी ७२२ जना संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार आज थपिएका मध्ये प्रदेश १ मा ८४, प्रदेश २ मा ५, बागमती प्रदेशमा ४५७, गण्डकी प्रदेशमा ५९, लुम्बिनी प्रदेशमा ७०, कर्णाली प्रदेशमा २६ र सुदूरपश्चिम प्रदेशमा २१ जना संक्रमित थपिएका हुन् ।

आज थपिएका ७२२ जनामा महिला ३१० र पुरुष ४१२ जना रहेका छन् ।  आज थपिएका ७२२ जनासँगै नेपालमा हालसम्म २ लाख ५५ हजार २३६ पुगेको छ ।

त्यसैगरी आज देशैभरी कोरोना संक्रमणबाट मुक्त हुनेको संख्या ९६६ रहेको छ । आज निको भएका ९६६ जनासँगै देशैभरी निको हुनेको संख्या २ लाख ४५ हजार ७०९ पुगेको छ ।

त्यसैगरी पछिल्लो २४ घण्टामा देशैभरी ३ जनाको मृत्यु भएको छ । पछिल्ला केही दिन यता कोरोना संक्रमणबाट मृत्यु हुनेको संख्या क्रमश घट्दै गएको छ ।
आज थपिएका ३ जनासँगै नेपालमा संक्रमणबाट मृतकको संख्या १७९८ पुगेको छ ।

त्यसैगरी नेपालमा मंगलबार (७ पुस) सम्म पिसीआर प्रविधिबाट १८ लाख ८४ हजार १८१ वटा कोरोना भाइरसको नमुना परीक्षण गरिएको छ । साथै हालसम्म देशैभरी संक्रिय संक्रमित ७ हजार ७२९ जना रहेका छन् भने क्वारेन्टिनमा ४१३ जना रहेका छन् ।

आज ७४२ जनामा कोरोना संक्रमण, १०७९ जना संक्रमणबाट मुक्त, ७ जनाको मृत्यु