हामी सबैकाे संसारन्यूज

८ पुस, काठमाडौं । नेपालमा बुधबार (८ पुस) सम्म पिसीआर प्रविधिबाट १८ लाख ९० हजार ७४० वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा देशैभरी पिसीआर प्रविधिबाट ६ हजार ५५९ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

त्यसैगरी हालसम्म देशैभरी संक्रिय संक्रमित ७ हजार ५१५ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ३ हजार ३९६ जनाको उपचार भइरहेको छ । साथै होम आइसोलेसनमा बस्नेको संख्या ४ हजार ११९ रहेको छ ।

त्यस्तै देशभरका विभिन्न अस्पतालको आइसीयुमा २४८ जना संक्रमित उपचाररत छन् । मन्त्रालयका अनुसार प्रदेश १ मा १७, प्रदेश २ मा ७, बागमती प्रदेशमा ९७, गण्डकी प्रदेशमा ७८, लुम्बिनी प्रदेशमा ४१, कर्णाली प्रदेशमा ६ र सुदूरपश्चिममा २ जना गरी जम्मा २४८ जना आइसीयुमा उपचाररत छन् ।

त्यसैगरी प्रदेश १ मा १ जना, प्रदेश २ मा ४ जना, बागमती प्रदेशमा २९ जना, गण्डकी प्रदेशमा ११ जना, लुम्बिनी प्रदेशमा ३ जना र कर्णाली प्रदेशमा २ र सुदूरपश्चिम प्रदेशमा शून्य गरी जम्मा ५० जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला काठमाडौं र ललितपुर रहेको छ भने क्वारेन्टिनमा ४०९ जना रहेका छन् । साथै शून्य संक्रमित रहेको जिल्ला मुगु रहेको छ ।

त्यस्तै आज थपिएका ७४३ जनासँगै नेपालमा हालसम्मको कूल संक्रमितको संख्या २ लाख ५५ हजार ९७९ पुगेको छ । साथै आज ९५२ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या २ लाख ४६ हजार ६६१ पुगेको छ । कूल संक्रमित मध्ये निको हुनेको यो दर ९६.३ प्रतिशत रहेको मन्त्रालयले जनाएको छ ।

त्यस्तै आज ५ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या १८०३ पुगेको छ ।

कोरोनाबाट नेपालमा आज ७४३ संक्रमित, ९५२ जना निको ५ जनाको मृत्यु
नेपालमा आज ७४३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरी गरिएको ६ हजार ५५९ नमुना परीक्षणमा उपत्यकाका ३१८ जनासहित देशैभरी ७४३ जना कोरोना संक्रमित थपिएका हुन् । जसमा महिला २७९ र ४६४ जना पुरुष रहेका छन् ।

मन्त्रालयका अनुसार आज प्रदेश १ मा ३३, प्रदेश २ मा ८, बागमती प्रदेशमा ३७८, गण्डकी प्रदेशमा १३२, लुम्बिनी प्रदेशमा ९६, कर्णाली प्रदेशमा ५ र सुदूरपश्चिम प्रदेशमा ९१ जना रहेका छन् ।
आज थपिएका ७४३ जनासँगै नेपालमा कोरोना संक्रमितको कूल संख्या २ लाख ५५ हजार ९७९ पुगेको छ ।

त्यसैगरी आज देशैभरी ९५२ जना कोरोना संक्रमित संक्रमणबाट मुक्त भएका छन् । आज निको भएका ९५२ जनासँगै नेपालमा कोरोना संक्रमणबाट मुक्त हुनेको कुल संख्या २ लाख ४६ हजार ६६१ पुगेको छ । निको हुनेको यो दर ९६.३ प्रतिशत हो ।

त्यस्तै आज कोरोना संक्रमणबाट ५ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरीका विभिन्न जिल्लामा ५ जना कोरोना संक्रमितको मृत्यु भएको हो ।

आज थपिएका ५ जनासँगै नेपालमा कोरोना संक्रमणबाट ज्यान गुमाउनेको संख्या १८०३ पुगेको छ ।

कति छन् त होम आइसोलेसनमा ?
स्वास्थ्य मन्त्रालयका अनुसार हालसम्म ४ हजार ११९ जना कोरोना संक्रमित होम आइसोलेसनमा रहेका छन् ।
जसमा प्रदेश १ मा २२१, प्रदेश २ मा २८, बागमती प्रदेशमा १९०० गण्डकी प्रदेशमा ६५६, लुम्बिनी प्रदेशमा ७३०, कर्णाली प्रदेशमा १०६ र सुदूरपश्चिम प्रदेशमा ४७८ जना गरी ४ हजार ११९ जना रहेका छन् । साथै देशका विभिन्न अस्पताल तथा आइसोलेसन सेन्टरमा ३ हजार ३९६ जनाको उपचार भइरहेको छ ।

नेपालमा आज ७२२ जनामा कोरोना संक्रमण, ९६६ जना निको भए, ३ जनाको मृत्यु