हामी सबैकाे संसारन्यूज

यो देशमा त क्रान्ति पनि संघारमा पुगेर फर्किन्छ,
बिडम्वनानै भनौ मैदानमा हतारमा पुगेर फर्किन्छ ।

हो जनताको चाहाना आमूल परिवर्तन गर्ने नै हो,
तर उग्रबामपन्थी बिचारकै सारमा पुगेर फर्किन्छ ।

मर्नेहरु त यही देश र जनताका लागिनै मरेर गए,
तर क्रान्ती अवसरवादी ब्यवहारमा पुगेर फर्किन्छ ।

कयौँ पटक अभ्यास भए पनि गन्तब्य हिन भयो,
राँको बालेर हिँडेपनि त्यो दमारमा पुगेर फर्किन्छ ।

टाउका मा कात्रो मनमा सपना बोकेर शहिद हुँदा,
के थाहा अवसरवादी मझधारमा पुगेर फर्किन्छ ।

चोखो क्रान्तिकारी आन्दोलनपनि कहिले कसोत,
अवसरवादीहरुको त्यही ब्यापारमा पुगेर फर्किन्छ ।

कयौँ बर्ष आएगए दन्ते गफाडीहरु हेर्दा हेर्दै सेते ले,
दन्केको क्रान्ति ज्वाला नि वेकारमा पुगेर फर्किन्छ ।