हामी सबैकाे संसारन्यूज

माघ ४, काठमाडौं । नेत्रविक्रम चन्द नेतृत्वको नेपाल कम्युनिष्ट पार्टीका नेता धर्मेन्द्र बास्तोलाई प्रहरीले एक साता हिरासतमा राख्न अनुमति पाएको छ । आइतबार जिल्ला अदालत ललितपुरले अनुसन्धानका लागि एक साताको अनुमति दिएको हो ।

प्रहरीले उनीविरुद्व नख्खु विस्फोट, चन्दा असुली, हातहतियार तथा खरखजानालगायतका अभियोग लगाएका छ । २०७५ फागुनमा भएको नख्खु विस्फोटमा एक जनाको मृत्यु भएको थियो भने दुई घाईते भएका थिए । उक्त मुद्दामा बास्तोलालाई प्रतिबादी बनाइएको थियो ।

बास्तोलामाथि यसअघि पक्राउ परि छुटेका नेकपाका आर्थिक विभाग प्रमुख प्रेम दर्नालको बयानलाई पनि आधार बनाइएको जनाइएको छ । प्रहरी जनाएअनुसार दर्नालले चन्दा असुलीमा बास्तोलाको नाम लिएका थिए ।

गत पुस २९ मा बास्तोलासहित नेकपाका ४ नेतालाई प्रहरीले ललितपुरको बागमती गाउँपालिकाबाट पक्राउ गरेको थियो । बास्तोलासहित नेकपाका नेताहरु प्रकाश शाही, विवेक कुमाल र विश्वास पक्राउ परेका थिए ।

उनीहरुलाई पनि अनुसन्धानको लागि हिरासतमा राख्न प्रहरीले अदालतबाट सात दिनको अनुमति पाएको छ ।

याे पनि पढ्नुहाेस्

विप्लवका अन्तराष्ट्रिय ब्यूरो प्रमुख धर्मेन्द्र बास्तोला पक्राउ

नेताहरु पक्राउको विरोधमा विप्लवद्धारा नेपाल बन्दको घोषणा (विज्ञप्तीसहित)

विप्लव समर्थित नेता तथा कार्यकर्तालाई तत्काल रिहा गर्न २३ दलीय गठबन्धनको माग (विज्ञप्तीसहित)