हामी सबैकाे संसारन्यूज

१.
अजिव चाहको भोगमा कति
सदन फेरियो फेरियो अति
जुनसुकै पुगे लुट्न खोज्दछन्
मुलुकको अझै देख्छु दुर्गति ।

२.
आमा बुबाको प्रित सम्झिएनन्
कर्तव्य के हो रित सम्झिएनन्
भविष्य आफ्नो घरबार हेर्दा
यो देशको नै हित सम्झिएनन् ।

३
दे का पीडा दर्दले मन् खिएन
मेरो चोखो प्रेम झूटो थिएन
तिम्रो मात्रै सम्झनाले सतायो
आयो तिम्रै याद बाँच्नै दिएन ।

४.
मस्त नीद तोडे, के गरौँ म
अर्ध झ्याल खोले, के गरौं म
सर्प दन्त धस्दै, अङ्ग अङ्ग
आङ चिल्न खोजे, के गरौं म ।

५.
बिहानीको पैलो प्रहरमा म आएँ
तिमी बस्ने तिम्रै शहरमा म आएँ
पुष माघे चिसो हुँदा अति जाडो
तिमीलाई भेट्ने रहरमा म आएँ ।