हामी सबैकाे संसारन्यूज

षड्यन्त्रको शिकार बन्छन् आजकल धेरै मान्छे,
षड्यन्त्र गर्ने पनि त्यही मान्छे,
षड्यन्त्रको सिकार बन्ने पनि त्यहि मान्छे,
वस्तावमा हुन चै के हो मान्छे ?

आतंकदेखि त्राहि त्राहि बन्छन् सँधै मान्छे,
आतंककारी पनि त्यहि मान्छे,
आतंकसंँग डराउने पनि त्यहि मान्छे,
वास्तवमा हुन चै के हो मान्छे ?

राजा भई राज गर्छ कोही कोही मान्छे,
राजा बन्ने पनि त्यही मान्छे,
प्रजा बन्ने पनि त्यही मान्छे,
वास्तवमा भिन्न भिन्न किन बनेको होला मान्छे ?

सुन्दरताको घमण्ड गर्छन् आजकल धेरै मान्छे,
सुन्दर पनि त्यहि मान्छे
कुरुप पनि त्यही मान्छे,
वास्तवमा किन फरक हुन्छ हँ मान्छे ?

जिन्दगीको दौडमा दौडिरहन्छन् सँधै मान्छे,
जित्ने पनि त्यहि बलिया मान्छे,
हार्ने पनि त्यही दुब्लो मान्छे,
वास्तवमा किन दौड्न्छ हँ मान्छे ?

लोभ र लालचको पछि सँधै कुद्ने गर्छन् मान्छे,
संसारमा आउँदा पनि शून्य,
संसारबाट फर्कदाँ पनि शून्य,
शुन्यको निम्ति पनि किन लालच गर्छन् हँ मान्छे ?