हामी सबैकाे संसारन्यूज

फागुन ४, काठमाडौं । भारतको त्रिपुराका मुख्यमन्त्री विप्लव देवले दिएको विवादास्पद अभिव्यक्तिप्रति नेपाली पक्षले भारतको ध्यानाकर्षण गराएको छ । भारतका लागि नेपाली राजदूत निलम्बर आचार्यले भारतीय विदेश मन्त्रालयका अधिकारीसँग भेट गर्दै अभिव्यक्तिबारे ध्यानाकर्षण गराएका हुन् ।

जसबारे भारतीय विदेशमन्त्राललयले बुझ्ने काम भईरहेको जवाफ दिएको बताइएको छ ।

भारतीय जनता पार्टीका नेतासमेत रहेका त्रिपुराका मुख्यमन्त्री विप्लवकुमार देवले भाजपा नेपाल र श्रीलंकामा आफ्नो पार्टी विस्तार गर्दै शासन चलाउने योजनामा रहेको अभिव्यक्ति दिएका थिए । उनले उक्त योजनामा सरकारले काम अगाडि बढाईरहेको बताएका थिए ।

विप्लवले सोमबार एक सार्वजनिक कार्यक्रममा भनेका छन्, ‘अमित शाह जब बीजेपीको अध्यक्ष थिए, त्यसबेला उनले हामीलाई भाजपाले आफ्नो पार्टीको दायरा बढाउन चाहेको र नेपाल र श्रीलंकामा शासन चलाउने योजना बनाईरहेको बताएका थिए, राज्य अतिथि गृहभित्र भएको पार्टी आन्तरिक कार्यक्रममा शाहले उक्त योजनाको खुलासा गरेका थिए ।’

विप्लवदेवको अभिव्यक्ति भारतभित्र पनि विरोध भईरहेको छ । भारतीय कांग्रेसले उनको अभिव्यक्तिमाथि तत्काल छानबिन गर्न माग गरेको छ ।

विप्लवदेवको अभिव्यक्तिप्रति नेपालका राजनीतिक दलहरुले पनि आपत्ती जनाउँदै आएका छन् ।

सम्बन्धित समाचार

गम्भीर खुलासा : भाजपा नेपाल र श्रीलंकामा सरकार बनाउने योजनामा छ

चीनको नेपाल चिन्ताप्रति भारतको असन्तुष्टि, फेरि के बोले नरवाणेले ?

भारतीय मुख्यमन्त्रीको अभिव्यक्तिप्रति नेता भिम रावलको कडा आपत्ति