Sansar News
विजय थापा ,९ फागुन, अमेरिका । अमेरिकाको टेक्सासमा मृत्यु भएका नेपाली विद्यार्थीको शब नेपाल पठाउनका लागि आर्थिक रकम संकलन गरिएको छ ।
टेक्सासको ह्युस्टन शहरमा गत फेब्रअरी १५ मा मृत्यु भएका २३ वर्षीय नेपाली विद्यार्थी प्रमोद भट्टराईको शब नेपाल पठाउनका लागि आर्थिक सहयोग रकम संकलन सुरु गर्ने क्रममा २० हजार डलर रकम संकलन भएको बताइएको छ ।
नेपाल शब पठाउनका लागि १५ हजार डलर खर्च हुनेमा २० हजार डलर संकलन भएको नेप्लीज एसोसियसन ह्युस्टनका उपाध्यक्ष द्रोण गौतमले बताएका छन् ।
झापाको बुधबारे घर भएका भट्टराई पाँच वर्ष अगाडि अध्ययनको सिलसिलामा अमेरिका आएका थिए । भट्टराईको फेब्रअरी १५ मा सुतेकै अवस्थामा मृत्यु भएको थियो । उनको मृत्यु के कारणले भयो भन्ने पोष्टमार्टम रिर्पोट आइनसकेको बताइएको छ ।
झापामा रहेको भट्टराईको परिवारले शब झापा नै पठाइदिन गरेको अनुरोधले नेपाली एसोसियसन ह्युस्टनले गो फण्डमार्फत् खाता खोलेर आर्थिक रकम संकलन गरेको हो ।
वि.सं.२०७७ फागुन ९ आइतवार ०८:४५ मा प्रकाशित
