Sansar News
५ चैत, काठमाडौं । पछिल्लो २४ घण्टामा देशैभरी गरिएको ३ हजार २५४ नमुना परीक्षणमा १०७ जनामा कोरोना संक्रमण पुष्टि भएको छ ।
आज थपिएका १०७ जनासँगै नेपालमा कोरोना संक्रमितको कूलसंख्या २ लाख ७५ हजार ६२५ पुगेको छ ।
त्यसैगरी आज देशैभरी ६० जना कोरोना संक्रमणबाट मुक्त भएका छन् । आज निको भएका ६० जनासँगै नेपालमा कोरोना संक्रमणबाट मुक्त हुनेको कूलसंख्या २ लाख ७१ हजार ६१० पुगेको छ । निको हुनेको यो दर ९८.५ प्रतिशत हो ।
त्यस्तै पछिल्लो २४ घण्टामा कोरोना संक्रमणबाट एकजनाको निधन भएको छ । स्वास्थ्य तथा जनसंख्या मन्त्रालयका अनुसार नेपालमा हालसम्म कोरोना संक्रमणबाट ज्यान गुमाउनेको संख्या ३ हजार १५ पुगेको छ ।
त्यसैगरी देशैभरीका विभिन्न क्वारेन्टिनमा रहनेको संख्या ५२ रहेको छ ।
मन्त्रालयका अनुसार हालसम्म विभिन्न संस्थागत आइसोलेशन तथा होम आइसोलेशनमा रहेका सक्रिय संक्रमितको संख्या १००० रहेको छ ।
त्यसैगरी हालसम्म पिसिआर प्रविधिबाट २२ लाख २७ हजार ५४७ वटा नमुना परीक्षण गरिएको छ ।
त्यस्तै नेपालमा सोमबारसम्ममा १६ लाख ७३ हजार २२७ जनाले कोरोना भाइरसविरुद्धको खोप लिएको पनि स्वास्थ्य मन्त्रालयले जनाएको छ ।
आज देशैभरी ९४ जनामा कोरोना संक्रमण, ५५ जना निको, निधन हुनेको संख्या शून्य
वि.सं.२०७७ चैत ५ बिहीवार १६:११ मा प्रकाशित
